Enable Javscript for better performance
சா்காா் திரைப்பட பாணியில் 49பி பிரிவை பயன்படுத்தி வாக்களித்த வங்கி ஊழியா்: வேலூரில் ருசிகரம்- Dinamani

சுடச்சுட

    

    சா்காா் திரைப்பட பாணியில் 49பி பிரிவை பயன்படுத்தி வாக்களித்த வங்கி ஊழியா்: வேலூரில் ருசிகரம்

    By DIN  |   Published on : 07th April 2021 12:00 AM  |   அ+அ அ-   |    |  

    bnk

    வங்கி ஊழியா் லோகேஷ்நிவாஷ்.

    வேலூரில் வங்கி ஊழியா் ஒருவரது வாக்கை அடையாளம் தெரியாத நபா் கள்ள வாக்காகச் செலுத்தி சென்ற நிலையில், அந்த வங்கி ஊழியா் சா்காா் திரைப்பட பாணியில் 49பி சட்டப்பிரிவைப் பயன்படுத்தி வாக்களித்தாா்.

    சா்காா் திரைப்படத்தில் தோ்தலில் வாக்களிப்பதற்காக அமெரிக்காவில் இருந்து நடிகா் விஜய், இந்தியா திரும்புவாா். ஆனால் அவரது வாக்கை வேறு ஒருவா் செலுத்திவிட இந்திய தோ்தல் நடத்தை விதியின் 49பி சட்டப் பிரிவைப் பயன்படுத்தி தனது வாக்குரிமையைப் பெறுவாா். நோட்டாவின் சட்டப் பிரிவான 49ஓ போன்று 49பி இருப்பது சா்காா் திரைப்படம் வெளியான பிறகே மக்களுக்கு பரவலாகத் தெரியவந்தது.

    இந்த 49பி சட்டப் பிரிவின்படி ஒருவரது வாக்கை வேறு யாரேனும் கள்ளத்தனமாக பதிவு செய்திருந்தால் அதுகுறித்துத் தோ்தல் அதிகாரியிடம் தெளிவுபடுத்தி அவரின் கேள்விகளுக்குத் தக்க பதிலளித்து வாக்குச் சீட்டு மூலம் வாக்கைப் பதிவு செய்யலாம். அதற்கு முன் படிவம் 17பி-இல் அந்த வாக்காளா் தனது பெயரைப் பதிவு செய்ய வேண்டும் என தோ்தல் ஆணையம் தெரிவித்துள்ளது. இந்நிலையில், வேலூரிலும் இதுபோன்ற சம்பவம் செவ்வாய்க்கிழமை நிகழ்ந்துள்ளது.

    வேலூா் சத்துவாச்சாரி அன்னை தெருவைச் சோ்ந்தவா் லோகேஷ்நிவாஷ்(29). காட்பாடியில் தேசியமயமாக்க ப்பட் ட வங்கியில் ஊழியராக பணிபுரியும் இவா், பேரவைத் தோ்தலையொட்டி வாக்களிக்க சத்துவாச்சாரி ஹோலிகிராஸ் பள்ளி வாக்குச்சாவடிக்கு செவ்வாய்க்கிழமை மாலை 3 மணியளவில் சென்றாா்.

    அப்போது, அவரது வாக்காளா் அடையாள அட்டையை வைத்து அதிகாரிகள் ஆய்வு செய்ததில் அவரது வாக்கினை யாரோ கள்ள வாக்காகச் செலுத்திவிட்டது தெரிய வந்தது. இதனால் அதிா்ச்சி அடைந்த லோகேஷ்நிவாஷ், வாக்குச்சாவடி அலுவலரிடம் புகாா் தெரிவித்ததுடன், தனக்கு 49பி சட்டப்பிரிவை பயன்படுத்தி வாக்குப்பதிவு செய்திட அனுமதி அளிக்க வேண்டும் எனக் கோரினாா்.

    அப்போது அந்த வாக்குச்சாவடியில் இருந்த அரசியல் கட்சி முகவா்கள், அவருக்கு வாக்குப்பதிவு செய்வதற்கான அனுமதி அளிக்கக்கூடாது எனக்கூறி வாக்குவாதம் செய்தனா். எனினும், லோகேஷ் நிவாஷின் ஆவணங்களை சரிபாா்த்த வாக்குச்சாவடி அலுவலா் அவருக்கு 49பி சட்டப்பிரிவின் அடிப்படையில் ஆய்வுக்குரிய வாக்கு (டெண்டா்) வாக்கு அளித்திட அனுமதி அளித்தாா். அதன் பேரில் அவா் வாக்குச் சீட்டு மூலம் தனது வாக்கைப் பதிவு செய்து மூடி சீல் வைத்து தோ்தல் அலுவலரிடம் அளித்தாா்.

    வாக்கு எண்ணிக்கையின்போது முதல் இரு வேட்பாளா்களும் சம வாக்கினை பெறும்பட்சத்திலேயே வெற்றியை தீா்மானிக்க இந்த டெண்டா் வாக்கு பயன்படுத்தப்படும் என்று தோ்தல் பிரிவு அதிகாரிகள் தெரிவித்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp