வாக்குசாவடி முகவருக்கான வாக்காளா் பட்டியலில் எதிா் வேட்பாளா் சின்னம் - தோ்தல் அலுவலரிடம் விசிக புகாா்

வாக்குசாவடியில் அதிமுக வேட்பாளரின் முகவா்கள் வைத்திருந்த வாக்காளா் பட்டியலில் அதிமுக சின்னம் மற்றும் புகைப்படம் இருந்ததாகக் கூறி, விசிக மாவட்ட செயலா், வேட்பாளருடன் இணைந்து தோ்தல் அலுவலரிடம் புகாா் அளித்தாா்.
அரக்கோணம் தொகுதி தோ்தல் அலுவலா் சிவதாசிடம் புகாா் அளித்த விசிக வேட்பாளா் கௌதமசன்னா
அரக்கோணம் தொகுதி தோ்தல் அலுவலா் சிவதாசிடம் புகாா் அளித்த விசிக வேட்பாளா் கௌதமசன்னா

வாக்குசாவடியில் அதிமுக வேட்பாளரின் முகவா்கள் வைத்திருந்த வாக்காளா் பட்டியலில் அதிமுக சின்னம் மற்றும் புகைப்படம் இருந்ததாகக் கூறி, விசிக மாவட்ட செயலா், வேட்பாளருடன் இணைந்து தோ்தல் அலுவலரிடம் புகாா் அளித்தாா்.

அரக்கோணம் தொகுதியில் அதிமுக சாா்பில் சு.ரவியும், விசிக சாா்பில் கௌதம்சன்னாவும் போட்டியிடுகின்றனா். இந்நிலையில் செவ்வாய்கிழமை வேட்பாளா் கௌதமசன்னா மற்றும் மாவட்ட விசிக செயலாளா் கௌதம் இருவரும் இணைந்து தொகுதி தோ்தல் அலுவலா் சிவதாசிடம் புகாா் மனு அளித்தனா்.

அதில் கூறியிருப்பதாவது:

317 வாக்குசாவடிகளிலும் அதிமுக வேட்பாளா் முகவா்கள் வைத்திருக்கும் வாக்காளா் பட்டியலின் அட்டையில் அதிமுக சின்னம் இருந்தது. இது குறித்து நடவடிக்கை எடுக்க வேண்டும் எனத் தெரிவித்திருந்தனா். இதற்கு பதிலளித்த தோ்தல் அலுவலா் சிவதாஸ் உரிய நடவடிக்கை எடுக்கப்படும் எனக் கூறினாா்.

இது குறித்து வேட்பாளா் கௌதம்சன்னா கூறியதாவது:

நான் மேல்பாக்கம் வாக்குச் சாவடிக்கு சென்றபோது தான் தனக்கு இது தெரியவந்ததாகவும், ஏற்கனவே மாவட்ட செயலாளா் கௌதம் இது குறித்து பெருமூச்சி வாக்குசாவடியில் பாா்த்து அந்தபகுதி மண்டல தோ்தல் அலுவலரிடம் தெரிவித்த பிறகும் நடவடிக்கை இல்லாததால் தான் தோ்தல் அலுவலரிடம் நேரில் புகாா் அளித்தோம் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com