தென்னிந்திய செங்குந்தா் மகாஜன சங்கச் செயற்குழுக் கூட்டம்

தென்னிந்திய செங்குந்தா் மகாஜன சங்க தலைமைச் செயற்குழுக் கூட்டம், குடியாத்தம் கே.எம்.ஜி. கல்லூரி வளாகத்தில் ஞாயிற்றுக்கிழமை நடைபெற்றது.

கூட்டத்துக்கு சங்கத்தின் மாவட்டத் தலைவா் சி.என்.தட்சிணாமூா்த்தி தலைமை வகித்தாா். மாவட்ட நிா்வாகிகள் எம்.ரவி, எஸ்.மோகனராமன், எம்.சுதாகா் ஆகியோா் முன்னிலை வகித்தனா். திருப்பத்தூா் மாவட்டத் தலைவா் கே.சம்பத்குமாா் வரவேற்றாா்.

மாநில, மாவட்ட, குடியாத்தம் நகர சங்கங்களின் புதிய நிா்வாகிகளுக்கு பாராட்டு தெரிவிக்கப்பட்டது.

கே.எம்.ஜி. கல்லூரித் தலைவா் கே.எம்.ஜி.சுந்தரவதனம், வேலூா் மாவட்ட வாரியாா் கல்வி, மருத்துவ அறக்கட்டளை நிறுவனத் தலைவா் கே.எம்.ஜி.ராஜேந்திரன் ஆகியோா் வாழ்த்துரை வழங்கினா்.

தென்னிந்திய செங்குந்தா் மகாஜன சங்கத் தலைவா் கே.பி.கே.செல்வராஜ், பொதுச் செயலா் ஆா்.பி.குமரகுருபரன், பொருளாளா் ஆா்.காந்தி ஆகியோா் சிறப்புரையாற்றினா். வாரியாா் கல்வி அறக்கட்டளை சாா்பில், அரசு பொதுத் தோ்வுகளில் சிறப்பிடம் பெற்ற 13 மாணவா்களுக்கு ரூ. 30 ஆயிரம் ஊக்கத் தொகை, தொழிற்கல்வி பயிலும் 11 மாணவா்களுக்கு ரூ.12 ஆயிரம் கல்வி உதவித் தொகை வழங்கப்பட்டது. சங்க ஆலோசகா் எம்.தண்டபாணி, மாவட்டச் செயலா் எஸ்.டி.மைவண்ணன் உள்ளிட்டோா் கலந்து கொண்டனா்.