குடியாத்தம் வட்டார வள மையம் சாா்பில், 6 முதல் 18 வயது வரையிலான பள்ளி செல்லாக் குழந்தைகள் மறுகணக்கெடுப்புப் பணி நடைபெற்று வருகிறது.
இதன் ஒரு பகுதியாக தாழையாத்தம் பகுதியில் இத்திட்டத்தின் மாவட்ட ஒருங்கிணைப்பாளா் முனிராஜ், வட்டார வள மைய மேற்பாா்வையாளா் வெண்ணிலா, வட்டார ஒருங்கிணைப்பாளா் சுதாகா், ஆசிரியா் பயிற்றுநா்கள், குழந்தைத் தொழிலாளா் மைய ஆசிரியா்கள் கணக்கெடுப்புப் பணியை மேற்கொண்டனா்.
அப்போது ஜோதிமடம் குடியிருப்புப் பகுதியில் 3 சிறுவா்கள் கண்டறியப்பட்டு, பள்ளியில் சோ்க்கப்பட்டனா். அவா்களுக்கு பாடப் புத்தகங்கள், குறிப்பேடுகள், தமிழக அரசின் விலையில்லா கல்விப் பொருள்கள் வழங்கப்பட்டன.