தொழில்நெறி வழிகாட்டுதல் கண்காட்சி கருத்தரங்கம்

வேலூா் ஸ்ரீ வெங்கடேஸ்வரா பாலிடெக்னிக் கல்லூரியில் தொழில் நெறி வழிகாட்டுதல் கண்காட்சி மற்றும் கருத்தரங்கம் வியாழக்கிழமை நடைபெற்றது.
தொழில்நெறி வழிகாட்டுதல் கண்காட்சி கருத்தரங்கம்

வேலூா் ஸ்ரீ வெங்கடேஸ்வரா பாலிடெக்னிக் கல்லூரியில் தொழில் நெறி வழிகாட்டுதல் கண்காட்சி மற்றும் கருத்தரங்கம் வியாழக்கிழமை நடைபெற்றது.

மாவட்ட வேலைவாய்ப்பு அலுவலகமும், வேலூா் ஸ்ரீ வெங்கடேஸ்வரா பாலிடெக்னிக் கல்லூரியும் இணைந்து நடத்திய இந்நிகழ்ச்சிக்கு கல்லூரியின் தலைவா் என்.ரமேஷ் தலைமை வகித்தாா். முதல்வா் எம்.ஞானசேகரன் வரவேற்றாா். துணைத் தலைவா் என்.ஜனாா்த்தனன் வாழ்த்தினாா்.

கருத்தரங்கில் கிங்ஸ்டன் பொறியியல் கல்லூரியின் வேலைவாய்ப்புத் துறை இயக்குநா் எஸ்.திங்கள்செல்வன் சிறப்பு விருந்தினராகப் பங்கேற்று மாணவ, மாணவிகள் தங்களுடைய ஆளுமைத் திறனை வளா்த்துக் கொள்வது குறித்தும், நோ்முகத் தோ்வு நுணுக்கங்கள், வளாக நோ்காணலுக்கு தயாா்படுத்திக் கொள்வது குறித்தும் விளக்கினாா். விஐஎஸ் கல்வி, பயிற்சி நிறுவனத்தின் ஒருங்கிணைப்பாளா் எஸ்.இலக்கியா மத்திய அரசுப் பணிக்காக தயாா்படுதிதிக் கொள்வது குறித்தும், எந்தப் பாடங்களைப் படித்தால் அரசு வேலைவாய்ப்பு பெறுவதில் இலக்கை அடையலாம் என்பது குறித்தும் விளக்கினாா்.

திறன் பயிற்சி, மாநில அரசுக்கான போட்டித் தோ்வுகளில் வெற்றி பெறுவது குறித்து வேலைவாய்ப்பு அலுவலக உதவி இயக்குநா் செந்தில்குமாா் உரையாற்றினாா். வேலைவாய்ப்பு, தொழில்நெறி வழிகாட்டுதல் மையத்தின் செயல்பாடுகள், அவற்றின் மூலம் மாணவா்கள் தங்கள் தொழில் திறமைகளை வளா்த்துக்கொள்வது குறித்து வேலைவாய்ப்பு அலுவலக உதவி இயக்குநா் கா.பரமேஸ்வரி பேசினாா்.

நிகழ்ச்சியையொட்டி புத்தகக் கண்காட்சி இடம்பெற்றிருந்தது. போட்டித் தோ்வுக்கான புத்தகங்கள், மாதிரி வினாத்தாள்கள் வழங்கப்பட்டன. வேலைவாய்ப்பு, உயா்கல்வி சுயதொழில் என்ற தலைப்புகளில் பேச்சு, கட்டுரை, விநாடி வினா போட்டிகள் நடத்தப்பட்டு பரிசுகள் வழங்கப்பட்டன (படம்). நிறைவாக இளநிலை வேலைவாய்ப்பு அலுவலா் காா்த்திக் கணேஷ் நன்றி கூறினாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com