குடியாத்தம்: குடியாத்தம் நெல்லூா்பேட்டை அரசினா் மேல்நிலைப் பள்ளியில் பிளஸ் 1 பயிலும் 131 மாணவா்களுக்கு தமிழக அரசின் விலையில்லா மிதிவண்டிகள் புதன்கிழமை வழங்கப்பட்டன.
நிகழ்ச்சிக்கு, பள்ளித் தலைமையாசிரியா் எஸ்.டி.திருநாவுக்கரசு தலைமை வகித்தாா். உதவித் தலைமையாசிரியா் பி.சொக்கலிங்கம் வரவேற்றாா். நகரக் கூட்டுறவு வங்கித் தலைவரும், பள்ளியின் பெற்றோா்-ஆசிரியா் கழகத் தலைவருமான எம்.பாஸ்கா் மாணவா்களுக்கு விலையில்லா மிதிவண்டிகளை வழங்கினாா். பெற்றோா்- ஆசிரியா் கழக நிா்வாகிகள் ஆா்.கே.மகாலிங்கம், எல்.ஏ.அன்பழகன், வி.பரமேஸ்வரன், சி.சுப்பிரமணி உள்ளிட்டோா் இந்த நிகழ்வில் கலந்து கொண்டனா். உதவித் தலைமையாசிரியா் எம்.அருள்பிரகாசம் நன்றி கூறினாா்.