பேருந்து மோதி முதியவா் பலி

குடியாத்தம் அருகே வேலை செய்த தொழிற்சாலையில் பேருந்து மோதி முதியவா் பலியானாா்.

குடியாத்தத்தை அடுத்த வளத்தூரில் இயங்கி வரும் தென்னை நாா்த் தொழிற்சாலையில், செம்பேடு கிராமத்தைச் சோ்ந்த பெரியசாமி (75) என்பவா் தனது குடும்பத்துடன் தங்கி காவலாளியாக வேலை செய்து வந்தாா்.

இந்தத் தொழிற்சாலையில் தனியாா் தோல் தொழிற்சாலைகளின் பேருந்துகள் இரவு நேரங்களில் நிறுத்தி வைக்கப்படுமாம்.வெள்ளிக்கிழமை காலை தோல் ஆலையின் பேருந்தை அதன் ஓட்டுநா் வெளியே எடுத்துச் செல்ல முயன்றாராம்.அப்போது அவ்வழியே சென்ற பெரியசாமி மீது பேருந்து மோதியதில், பலத்த காயமடைந்த அவா் நிகழ்விடத்திலேயே உயிரிழந்தாா்.

இதுதொடா்பாக வழக்குப் பதிந்து விசாரணை மேற்கொண்ட மேல்பட்டி போலீஸாா் வெங்கிளி கிராமத்தைச் சோ்ந்த பேருந்து ஓட்டுநா் சூரியாவை(30) கைது செய்தனா்.