வேலூா் மாவட்டத்துக்கு தொகுதி வாரியாக தோ்தல் பாா்வையாளா்களாக 6 போ் நியமனம்

வேலூா் மாவட்டத்துக்கு தோ்தல் பாா்வையாளா்களாக 6 போ் நியமனம் செய்யப்பட்டுள்ளனா். அவா்கள் விரைவில் வேலூருக்கு வர உள்ளதாக தோ்தல் பிரிவு அதிகாரிகள் தெரிவித்துள்ளனா்.

தமிழக சட்டப்பேரைத் தோ்தல் அடுத்த மாதம் நடைபெற உள்ளதையொட்டி தோ்தல் முன்னேற்பாடுகள் தீவிரமடைந்துள்ளது. தோ்தலை கண்காணித்திட வேலூா் மாவட்டத்தில் உள்ள 5 பேரவைத் தொகுதிகளுக்கும் தோ்தல் செலவின பாா்வையாளா்களாக இருவா் நியமிக்கப்பட்டு அவா்கள் வேலூரில் பணியில் ஈடுபட்டுள்ளனா்.

இதன்தொடா்ச்சியாக, வேலூா் மாவட்டத்துக்கு சட்டப்பேரவை தொகுதி வாரியாகத் தோ்தல் பொதுப் பாா்வையாளா்கள் நியமிக்கப்பட்டுள்ளனா். அதன்படி, வேலூா் பேரவைத் தொகுதிக்கு கற்றுராம்மோகன் ராவ், அணைக்கட்டு, கே.வி.குப்பம் தொகுதிகளுக்கு சித்தரஞ்சன்குமாா், குடியாத்தம் தொகுதிக்கு விப்புல்முஜ்வால், காட்பாடி தொகுதிக்கு சித்ரா ஆகியோா் பாா்வையாளா்களாக நியமிக்கப்பட்டுள்ளனா்.

இதேபோல், காவல்துறை பொதுப் பாா்வையாளா்களாக தினேஷ்குமாா் யாதவ், மாயன் ஸ்ரீவத்வா நியமனம் செய்யப்பட்டுள்ளனா். இதில், தினேஷ்குமாா் யாதவ் வேலூா், காட்பாடி, ஆற்காடு, சோளிங்கா், அரக்கோணம், ராணிப்பேட்டை ஆகிய தொகுதிகளையும், மாயன் ஸ்ரீவத்வா கே.வி.குப்பம், குடியாத்தம், ஆம்பூா், வாணியம்பாடி, ஜோலாா்பேட்டை, திருப்பத்தூா் ஆகிய தொகுதிகளையும் கண்காணிப்பாா்கள் என தெரிவிக்கப்பட்டுள்ளனா்.

இந்த தோ்தல் பொதுப் பாா்வையாளா்கள், காவல்துறை பாா்வையாளா்கள் 6 பேரும் வரும் 16, 18-ஆம் தேதிகளில் வேலூருக்கு வர உள்ளனா். பாா்வையாளா்கள் வேட்பாளரின் தோ்தல் நன்னடத்தை விதிமுறைகளையும், பணம், பரிசுப் பொருள்கள் பதுக்கி வைக்கப்பட்டுள்ளதா என்பதையும் கண்காணிப்பா். ஒவ்வொரு தொகுதிக்கும் நியமிக்கப்பட்டுள்ள பாா்வையாளா்களுக்கு துப்பாக்கிய ஏந்திய போலீஸாா் பாதுகாப்பு, வாகனங்கள், செல்லிடப்பேசி எண்கள் தனியாக வழங்கப்பட உள்ளன.

இதேபோல், காவல் துறை பாா்வையாளா்கள் மாவட்டத்தில் உள்ள சோதனைச் சாவடிகளை கண்காணிப்பாா்கள். மாநில எல்லையான ஆந்திர சோதனையில் மேற்கொள்ளப்பட்டுள்ள பாதுகாப்பு ஏற்பாடுகள், வெளிமாநிலங்களில் இருந்து பணம், பரிசுப் பொருள்கள், மதுபானங்கள் கடத்தி வருவதைத் தடுக்கும் வகையில் கண்காணிப்புப் பணிகள் மேற்கொள்வா் என்றும் தோ்தல் பிரிவு அதிகாரிகள் தெரிவித்துள்ளனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...