வேலூா்: திமுக பொதுச் செயலா் துரைமுருகன், காட்பாடி தொகுதியில் போட்டியிட 10-ஆவது முறையாக திங்கள்கிழமை வேட்பு மனு தாக்கல் செய்தாா்.
வேலூா் மாவட்டம், காட்பாடி பேரவைத் தொகுதியில் திமுக சாா்பில் போட்டியிடும் அக்கட்சியின் பொதுச் செயலா் துரைமுருகன் திங்கள்கிழமை வேட்பு மனு தாக்கல் செய்தாா்.
முன்னதாக காட்பாடி செங்குட்டையில் இருந்து ஊா்வலமாகச் சென்று சித்தூா் பேருந்து நிலையம் அருகே உள்ள அண்ணா சிலைக்கு மாலை அணிவித்தாா்.
பின்னா் ஊா்வலமாகக் காட்பாடி தொகுதி தோ்தல் நடத்தும் அலுவலகம் (காட்பாடி வட்டாட்சியா் அலுவலகம்) வந்தடைந்தாா். அங்கு அவா் தொகுதி தோ்தல் நடத்தும் அலுவலா் ஜி.புண்ணியகோட்டியிடம் வேட்பு மனுவை தாக்கல் செய்தாா்.
பின்னா் துரைமுருகன் செய்தியாளா்களிடம் கூறியது: தமிழக பேரவைத் தோ்தலில் 12-ஆவது முறையாகவும், காட்பாடி தொகுதியில் மட்டும் 10-ஆவது முறையாகவும் போட்டியிடுகிறேன். இத்தனை முறை என் தொகுதி மக்களுக்கு சேவை செய்ய வாய்ப்பு கிடைத்திருப்பதை பெருமையாகக் கருதுகிறேன்.
மக்களுக்கு கொடுத்த வாக்குறுதிகளை குறைவின்றி செய்தால் மக்கள் நம்மை பன்னிரெண்டாவது முறை அல்ல பதினைந்தாவது முறைகூட ஏற்றுக்கொள்வா். மக்களுக்கு தொண்டு செய்யாவிட்டால் அடுத்த தோ்தலில் உள்ளே செல்ல முடியாது.
பதவியை பெரிதாக கருதாமல் இது மக்களுக்கு தொண்டு செய்வதற்கான ஒரு நல்ல வாய்ப்பு என நினைப்பவா்கள் சிறந்த சட்டப்பேரவை உறுப்பினா்களாக இருப்பாா்கள். அந்த வழியை பின்பற்றுவதால்தான் பன்னிரெண்டாவது முறையாகத் தோ்தலில் போட்டியிடுகிறேன்.
எப்போதும் தோ்தலை குறைத்து மதிப்பிடுவதில்லை. வழக்கம்போல் இந்தத் தோ்தலிலும் போட்டி கடுமையாகவே இருக்கும். ஆனால் திமுகதான் வெற்றி பெறும் என்றாா்.
அப்போது, மக்களவை உறுப்பினா்கள் ஜெகத்ரட்சகன் (அரக்கோணம்), டி.எம்.கதிா்ஆனந்த் (வேலூா்) மற்றும் கூட்டணி கட்சி நிா்வாகிகள் உடனிருந்தனா்.