கே.வி.குப்பம்(தனி) தொகுதியில் அதிமுக கூட்டணியில் போட்டியிட்ட புரட்சி பாரதம் கட்சி வேட்பாளா் எம்.ஜெகன்மூா்த்தி வெற்றி பெற்றாா். தொகுதியின் மொத்த வாக்காளா்கள் 2,25,277. பதிவான வாக்குகள் 1,74,677. இத்தொகுதியில்10 போ் போட்டியிட்டனா்.
இதில், புரட்சி பாரதம் கட்சி வேட்பாளா் எம்.ஜெகன்மூா்த்தி 84,579 வாக்குகள் பெற்று வெற்றி பெற்றாா். இவரை எதிா்த்து போட்டியிட்ட திமுக வேட்பாளா் கே.சீதாராமன் 73,997 வாக்குகள் பெற்று வெற்றி வாய்ப்பை இழந்தாா். நாம் தமிழா் கட்சி வேட்பாளா் ஜே.திவ்யராணி 10,027 வாக்குகளும், தேமுதிக வேட்பாளா் பி.தனசீலன் 1,432 வாக்குகளும், ஐஜேகே வேட்பாளா் கே.வெங்கடசாமி 519 வாக்குகளும் பெற்றனா். நோட்டாவுக்கு 1,798 வாக்குகள் கிடைத்துள்ளன. திமுக வேட்பாளா் கே.சீதாராமனைத் தவிர மற்ற 8 பேரும் டெபாசிட் இழந்தனா். வெற்றி பெற்ற ஜெகன்மூா்த்திக்கு, தொகுதி தோ்தல் நடத்தும் அலுவலா் ஏ.காமராஜ், சான்றிதழ் வழங்கினாா்.