Enable Javscript for better performance
இலங்கைத் தமிழா்கள் நலன் காக்கப்படும்: முதல்வா் மு.க.ஸ்டாலின்- Dinamani

சுடச்சுட

    இலங்கைத் தமிழா்கள் நலன் காக்கப்படும்: முதல்வா் மு.க.ஸ்டாலின்

    By DIN  |   Published on : 03rd November 2021 12:00 AM  |   அ+அ அ-   |    |  

    vr02dmk1_0211chn_184_1

    இலங்கைத் தமிழா்கள் நலன்காக்க திமுக அரசு எப்போதும் துணை நிற்கும் என்று முதல்வா் மு.க.ஸ்டாலின் தெரிவித்தாா்.

    தமிழகம் முழுவதும் 106 இடங்களிலுள்ள இலங்கைத் தமிழா் மறுவாழ்வு முகாம்களில் வசிப்போருக்காக முதல் கட்டமாக ரூ.142.16 கோடி மதிப்பில் 3,510 புதிய குடியிருப்புகள் கட்டப்பட உள்ளன. இதைத் தவிர, முகாம்களில் ரூ.30 கோடியில் அடிப்படை வசதிகள், ரூ.12.41 கோடியில் உயா்த்தப்பட்ட பணக் கொடை, ரூ.4.52 கோடியில் கைத்தறித் துணிகள் என ரூ.225.86 கோடி மதிப்பிலான 12 வகையான நலத்திட்ட உதவிகள் செயல்படுத்தப்பட உள்ளன.

    இதனடிப்படையில், வேலூா் மேல்மொணவூா் முகாமில் உள்ள 220 குடும்பங்களுக்கு ரூ. 8.91 கோடி மதிப்பில் புதிய வீடுகள் உள்பட ரூ.10.03 கோடி மதிப்பில் 11 நலத் திட்டங்களை முதல்வா் மு.க.ஸ்டாலின் செவ்வாய்க்கிழமை தொடக்கிவைத்தாா். பின்னா் அவா் பேசியது:

    இலங்கைத் தமிழா்கள் என்பது ஒரு அடையாள சொல். மற்றபடி தமிழா்கள் எந்த நாட்டில் வாழ்ந்தாலும் அனைவரும் ஒரு தாய் மக்கள்தான்.

    இலங்கைத் தமிழா்கள் இனத்தால், மொழியால், பண்பாட்டால், நாகரிகத்தால் ஒன்றுபட்டவா்கள்.

    திட்டங்களைச் செயல்படுத்தியதால்...: இலங்கையில் தமிழா்கள் பாதிக்கப்பட்ட காலம் முதலே அவா்களுக்காக குரல் கொடுத்துவரும் இயக்கம் திமுக. 1983-ஆம் ஆண்டில் அவா்கள் முகாம்கள் அமைத்து பாதுகாப்பாகத் தங்க வைக்கப்பட்டனா். இந்த முகாம்கள் மோசமாக இருந்த நிலையில் ஏராளமான திட்டங்களை 1997-இல் முன்னாள் முதல்வா் கருணாநிதி செயல்படுத்தியதால் தன்னிறைவு அடைந்தனா்.

    கடந்த 10 ஆண்டுகால அதிமுக ஆட்சியில் இலங்கைத் தமிழா்களுக்காக எந்த நன்மையும் செய்யப்படவில்லை. மீண்டும் ஆட்சி பொறுப்பேற்றுள்ள திமுக அரசு மீண்டும் நல்வாழ்வுத் திட்டங்களைத் தொடங்கியுள்ளது. அகதிகள் முகாம்கள் என்பதை மாற்றி, இலங்கை தமிழா் மறுவாழ்வு முகாம்கள் என அறிவிக்கப்பட்டது.

    வாழ்விடத்தை மேலும் செழுமைப்படுத்த...: முதல்வராக கருணாநிதி இருந்த சமயத்தில் முகாம்களில் 1997-98-இல் 3,594 வீடுகளும், 1998-98-இல் 3,826 வீடுகளும் கட்டித் தரப்பட்டன. 2009-இல் அடிப்படை வசதிகள் செய்துதர ரூ.100 கோடி ஒதுக்கப்பட்டது. தொடா்ந்து அவா்கள் வாழ்விடத்தை மேலும் செழுமைப்படுத்த திட்டமிடப்பட்டுள்ளது.

    இதற்காக 106 முகாம்களையும் ஆய்வு செய்து பல்வேறு திட்டங்கள் வகுக்கப்பட்டுள்ளன. அதன்படி, 19,046 குடும்பங்களைக் கொண்ட இலங்கைத் தமிழா் முகாம்களில் மிகவும் பழுதடைந்துள்ள 7,469 வீடுகளை கட்டித் தரவும், அங்கு அடிப்படை வசதிகளை மேம்படுத்தவும் நிதி ஒதுக்கீடு செய்யப்படும் என பேரவையில் அறிவிக்கப்பட்டது.

    12 வகையான நலத் திட்டங்கள்: முகாம் வாழ் குழந்தைகளின் கல்விக் கட்டணம், விடுதிக் கட்டணம் அரசே ஏற்பு, திறன்மேம்பாட்டு பயிற்சி, மகளிா் சுய உதவிக் குழுக்களுக்கு சமூக முதலீட்டு நிதி, உயா்த்தப்பட்ட மாதாந்திர பணக் கொடை, சமையல் எரிவாயு, எவா்சில்வா் பாத்திரங்கள், கோ-ஆப்டெக்ஸ் மூலம் தரமான ஆடைகள் என 12 வகையான நலத்திட்டங்கள் செயல்படுத்தப்பட உள்ளன.

    அவற்றில் உயா்த்தப்பட்ட பணக் கொடை ரூ.12.41 கோடி, துணிகள் வழங்க ரூ.3 கோடி, ஐந்து வகையான எவா்சில்வா் பாத்திரங்கள் வழங்க ரூ.2.42 கோடி, இலவச எரிவாயு இணைப்பு, எரிவாயு உருளை மானியம் வழங்க ரூ.8.66 கோடி ஒதுக்கீடு செய்யப்பட்டுள்ளது. முகாம் வாழ் தமிழா்களுக்கான அரிசி மானியத் தொகையை முழுமையாக அரசே ஏற்றுக்கொண்டு, முழுவதும் இலவசமாக வழங்கும் திட்டமும் தொடங்கப்பட்டுள்ளது.

    இலங்கைத் தமிழா் மாணவா்களுக்கு இலவசக் கல்வி, உயா்த்தப்பட்ட கல்வி உதவித் தொகைக்காக ரூ.4.35 கோடி, 621 சுய உதவிக் குழுக்களுக்கு சமூக முதலீட்டு நிதி வழங்க ரூ.6.15 கோடி, 5,000 இலங்கைத் தமிழா்களுக்கு திறன் மேம்பாட்டுப் பயிற்சி, தொழிற்கல்விகளுக்காக ரூ.10 கோடி, முகாம்களில் அவசியத் தேவைகளை உடனுக்குடன் நிறைவேற்ற ரூ.5 கோடி ஒதுக்கப்பட்டு இந்த 10 நலத் திட்டங்களும் முழுமையாகச் செயல்படுத்தப்பட்டுள்ளன.

    ஆதரவற்றவா்கள் அல்லா்: இலங்கைத் தமிழா்களின் நலன் காக்க திமுகவும், திமுக அரசும் எப்போதும் துணை நிற்கும். அவா்கள் ஆதரவற்றவா்கள் அல்லா். என்னை இலங்கை தமிழா்கள் உடன்பிறப்பாக நினைத்துக்கொள்ள வேண்டும் என்றாா்.

    இந்த விழாவில், நீா்வளத் துறை அமைச்சா் துரைமுருகன், கைத்தறி துணிநூல் துறை அமைச்சா் ஆா்.காந்தி, சிறுபான்மையினா் நலம், வெளிநாடு வாழ் தமிழா் நலத்துறை அமைச்சா் செஞ்சி கே.எஸ்.மஸ்தான், மக்களவை உறுப்பினா்கள் எஸ். ஜெகத்ரட்சகன் (அரக்கோணம்), டி.எம்.கதிா்ஆனந்த் (வேலூா்), மாவட்ட ஆட்சியா் பெ.குமாரவேல் பாண்டியன், எம்எல்ஏக்கள் ப.காா்த்திகேயன், ஏ.பி.நந்தகுமாா், ஜெ.எல்.ஈஸ்வரப்பன், அமுலு விஜயன், குடியாத்தம் ஒன்றியக் குழுத் தலைவா் என்.இ.சத்யானந்தம், நகா்மன்ற முன்னாள் துணைத் தலைவா் எஸ்.செளந்தரராஜன், குடியாத்தம் (கிழக்கு) ஒன்றியப் பொறுப்பாளா் நத்தம் வி.பிரதிஷ் உள்ளிட்டோா் பங்கேற்றனா்.

    வாக்குரிமை இல்லாதவா்களுக்கும் உதவிகள்: அமைச்சா் துரைமுருகன்

    வாக்குரிமை இல்லாத இலங்கைத் தமிழா்களுக்கும் திமுக அரசு உதவிகளைச் செய்து வருகிறது என்றாா் அமைச்சா் துரைமுருகன்.

    வேலூா் மேல்மொணவூரில் நடைபெற்ற விழாவில், அமைச்சா் துரைமுருகன் பேசியது: கடந்த 6 மாதத்தில் கரோனா தொற்றுக்கு முடிவு கட்டி, அரசுத் திட்டங்களையும் முறையாக நிறைவேற்றிய முதல்வரை மற்ற மாநில முதல்வா்களும் முன்மாதிரியாகக் கொண்டுள்ளனா்.

    வளா்ச்சித் திட்டங்களில் மட்டுமின்றி வாழ்வாதாரம் இழந்து தவிக்கும் மக்களுக்கும் தேடிச் சென்று உதவும் முதல்வா், இலங்கைத் தமிழா்களுக்கும் உதவிக்கரம் நீட்டியுள்ளாா். புலம்பெயா்ந்து வந்த தமிழா்களின் நலனுக்காகப் போராடியவா் கருணாநிதி. அண்ணா காலம் முதலே இலங்கைத் தமிழா்கள் துயரம் துடைக்க திமுக போராடி வருகிறது. போராட்டங்களுக்காக சிறை சென்றுள்ளது. அதற்கு அவா்களும் தமிழினம் என்ற உறவுதான்.

    முதல்வராக கருணாநிதி இருந்தபோது, முதன்முதலாக முகாம்கள் அமைத்துத் தரப்பட்டன. தற்போது முதல்வா் ஸ்டாலின், அகதிகள் என்ற சொல்லை நீக்கிவிட்டு இலங்கைத் தமிழா் மறுவாழ்வு முகாம் என புதிய பெயா் சூட்டி பெருமைப்படுத்தியுள்ளாா் என்றாா் அமைச்சா் துரைமுருகன்.

     


     


    TAGS
    cmstalin

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp