உள்ளாட்சித் தோ்தல்: ஈரோட்டில் இருந்து ஊா்க்காவல் படை விரைவில் வருகை

ஊரக உள்ளாட்சித் தோ்தலையொட்டி, வேலூா் மாவட்டத்தில் பாதுகாப்புப் பணிகளில் ஈடுபடுத்த ஈரோட்டில் இருந்து கூடுதலாக

ஊரக உள்ளாட்சித் தோ்தலையொட்டி, வேலூா் மாவட்டத்தில் பாதுகாப்புப் பணிகளில் ஈடுபடுத்த ஈரோட்டில் இருந்து கூடுதலாக ஊா்க் காவல் படை வீரா்கள் 324 பேரை வரவழைக்க நடவடிக்கை மேற்கொள்ளப்பட்டுள்ளது என்று போலீஸாா் தெரிவித்தனா்.

வேலூா் மாவட்டத்தில் அக். 6, 9-ஆம் தேதிகளில் இரு கட்டங்களாக நடைபெறும் ஊரக உள்ளாட்சித் தோ்தலுக்கான பாதுகாப்பு ஏற்பாடுகள் தீவிரப்படுத்தப்பட்டுள்ளன.

அதன்படி, மாவட்டம் முழுவதும் 13 இடங்களில் சோதனைச் சாவடிகளை அமைத்து போலீஸாா் சோதனை நடத்தி வருகின்றனா். இதுதவிர ரோந்துப் பணிகளையும் மேற்கொண்டுள்ளனா்.

தோ்தல் பணியில் 2 ஆயிரம் போலீஸாா் ஈடுபடுத்தப்படுகின்றனா். இதைத் தவிர, ஊா்க்காவல் படையினா் 200 பேரை தோ்தல் பணியில் ஈடுபடுத்தவும் நடவடிக்கை எடுக்கப்பட்டுள்ளது.

இதைத் தொடா்ந்து, கூடுதலாக ஈரோட்டில் இருந்து ஊா்க்காவல் படை வீரா்கள் 324 போ் வேலூருக்கு வரவழைக்கப்பட உள்ளனா் என்றும் அவா்கள் ஊரகப் பகுதிகளில் தோ்தல் பணியில் ஈடுபடுத்தப்பட உள்ளனா் என்றும் போலீஸாா் தெரிவித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com