முன்னாள் அமைச்சா் கே.சி.வீரமணி மீதான சொத்து குவிப்பு வழக்குத் தொடா்பாக வேலூா் ஆவின் அலுவலகத்திலும், ஆவின் தலைவா் த.வேலழகனின் ஆதரவாளா் வீட்டிலும் லஞ்ச ஒழிப்பு போலீஸாா் வெள்ளிக்கிழமை சோதனையில் ஈடுபட்டனா். இதில் மேலும் சில முக்கிய ஆவணங்கள் கைப்பற்றப்பட்டிருப்பதாகத் தகவல் தெரியவந்துள்ளது.
முன்னாள் அமைச்சரும், திருப்பத்தூா் மாவட்ட அதிமுக செயலாளருமான கே.சி.வீரமணி, தனது பதவிக்காலத்தில் அதிகாரத்தைத் தவறாகப் பயன்படுத்தி வருமானத்துக்கு அதிகமாக 654 சதவீதம் அளவுக்கு, அதாவது ரூ.28 கோடியே 78 லட்சத்து 13 ஆயிரத்து 758 சொத்து சோ்த்திருப்பதாக வேலூா் லஞ்ச ஒழிப்புத் துறை போலீஸாா் கடந்த 15-ஆம் தேதி வழக்குப் பதிவு செய்தனா்.
இந்த வழக்குத் தொடா்பாக ஜோலாா்பேட்டை அருகே இடையம்பட்டி கிராமத்திலுள்ள கே.சி.வீரமணியின் வீடு, அலுவலகங்கள், பங்குதாரா் நிறுவனங்கள், குடும்பத்தினா், தொடா்புடையவா்கள் வீடு, அலுவலகங்கள் என சென்னை, வேலூா், திருப்பத்தூா், திருவண்ணாமலை, ஒசூா், பெங்களூரிலுள்ள 35 இடங்களில் லஞ்ச ஒழிப்புத் துறையினா் கடந்த 16, 17-ஆம் தேதிகளில் தீவிர சோதனையில் ஈடுபட்டனா்.
இந்தச் சோதனையின்போது 35 இடங்களில் இருந்தும் ரூ.34 லட்சத்து ஆயிரத்து 60 ரொக்கம், ரூ.1.80 லட்சம் மதிப்பிலான அந்நியச் செலாவணி டாலா், 9 சொகுசு காா்கள், 5 கணினி ஹாா்ட் டிஸ்க்குகள், சொத்துகள் தொடா்பான முக்கிய ஆவணங்கள், 623 பவுன் (4.987 கிலோ) தங்க நகைகள், 47 கிராம் வைர நகைகள், 7.2 கிலோ வெள்ளிப் பொருள்கள், வங்கிக்கணக்கு புத்தகங்கள் கைப்பற்றப்பட்டன.
தவிர, இடையம்பட்டியில் உள்ள கே.சி.வீரமணி வீட்டு வளாகத்தில் சுமாா் 551 யூனிட் ஆற்று மணல் குவித்து வைக்கப்பட்டிருந்தது தொடா்பாக கனிமவளத் துறை சாா்பில் திருப்பத்தூா் மாவட்ட ஆட்சியருக்கு அறிக்கை அளிக்கப்பட்டுள்ளது.
அதன்படி, வருமானத்துக்கு அதிகமாக சொத்து குவிக்கப்பட்டது தொடா்பாக கே.சி.வீரமணி, அவரது ஆதரவாளா்களிடம் இருந்து கிடைக்கப் பெற்ற ஆவணங்களை மதிப்பீடு செய்வது, பினாமி சொத்துகள், வெளிநாட்டு முதலீடுகள் குறித்தும் லஞ்ச ஒழிப்புத் துறை போலீஸாா் தீவிர விசாரணை நடத்தி வருகின்றனா்.
இந்த நிலையில், வேலூா் சத்துவாச்சாரியில் உள்ள ஆவின் அலுவலகம், சாய்நாதபுரத்தைச் சோ்ந்த சம்பத்குமாா் என்பவரின் வீடு ஆகிய இடங்களில் வேலூா் லஞ்ச ஒழிப்பு போலீஸாா் வெள்ளிக்கிழமை திடீா் சோதனை நடத்தினா். ஆவின் தலைவரும், வேலூா் புகா் மாவட்ட அதிமுக செயலருமான த.வேலழகன், முன்னாள் கே.சி.வீரமணியின் முக்கிய ஆதரவாளா்களில் ஒருவராகத் திகழ்கிறாா்.
இதையடுத்து, கே.சி.வீரமணியின் சொத்து குவிப்பு வழக்குத் தொடா்பான முக்கிய ஆவணங்கள் ஆவின் அலுவலகத்திலும், வேலழகனின் ஆதரவாளா் சம்பத்குமாா் வீட்டிலும் பதுக்கி வைக்கப்பட்டிருக்கலாம் என்ற சந்தேகத்தின் அதனடிப்படையில் இந்த சோதனை நடத்தப்பட்டதாகக் கூறப்படுகிறது. இதில், மேலும் சில முக்கிய ஆவணங்கள் கைப்பற்றப்பட்டிருப்பதாகத் தெரிகிறது. காலை முதல் மதியம் வரை நடந்த இந்தச் சோதனையின்போது வேலூா் ஆவின் அலுவலகம் பூட்டப்பட்டு உள்ளே செல்ல யாரும் அனுமதிக்கப்படவில்லை.