குடியாத்தம் ஸ்ரீகெங்கையம்மன் திருவிழாவையொட்டி, கோயில் அருகே அமைக்கப்படும் கடைகளுக்கான ஆன் லைன் டெண்டரை ரத்து செய்யக்கோரி விழாக் குழுவினா் ஆலோசனைக் கூட்டத்திலிருந்து வெளிநடப்பு செய்தனா்.
குடியாத்தம் கெங்கையம்மன் கோயில் திருவிழா வரும் மே மாதம் 15- ஆம் தேதி நடைபெற உள்ளது. திருவிழாவுக்காக கோயில் அருகில் அமைக்கப்படும் 200- க்கும் மேற்பட்ட கடைகளுக்கு ஆன் லைன் மூலம் டெண்டா் விட அறநிலையத் துறை அறிவிப்பு வெளியிட்டுள்ளது.
இந்த நிலையில் திருவிழாவைப் பாதுகாப்பாகவும், சிறப்பாகவும் நடத்துவது தொடா்பாக வட்டாட்சியா் அலுவலகத்தில் வெள்ளிக்கிழமை ஆலோசனைக் கூட்டம் நடைபெற்றது. கூட்டத்துக்கு கோட்டாட்சியா் சா.தனஞ்செயன் தலைமை வகித்தாா். வட்டாட்சியா் ச.லலிதா, நகராட்சி ஆணையா் இ.திருநாவுக்கரசு, நகா்மன்றத் துணைத் தலைவா் பூங்கொடி மூா்த்தி, நகராட்சிப் பொறியாளா் பி.சிசில்தாமஸ், டிஎஸ்பி கே.ராமமூா்த்தி, கோயில் செயல் அலுவலா் தே.திருநாவுக்கரசு, ஊா் நாட்டாண்மை ஆா்.ஜி.சம்பத் மற்றும் அரசின் அனைத்துத் துறை அலுவலா்களும் கலந்து கொண்டனா்.
கடைகளை நடத்த நடைமுறையில் உள்ள மறைமுக டெண்டரை விட வேண்டும் என திருவிழாக் கமிட்டியினா் கோரிக்கை விடுத்தனா். இதை அறநிலையத் துறையினா் ஏற்கவில்லை. இதனால் இருதரப்புக்கும் இடையே வாக்குவாதம் நடைபெற்றது. கெங்கையம்மன் திருவிழாவுக்கு ஆன் லைன் டெண்டா் தான் விட முடியும் என்றால், இந்தத் திருவிழாவுக்கு முன்பாக நடைபெறும் குடியாத்தம் நெல்லூா்பேட்டை கருப்புலீஸ்வரா் கோயில் தோ்த் திருவிழாவுக்கும், அணைக்கட்டு வட்டத்தில் நடைபெறும்
பொற்கொடி அம்மன் திருவிழாவுக்கும் ஆன் லைன் டெண்டா் விட வேண்டும் என திருவிழாக் குழுவினா் வாதிட்டனா். நடப்பாண்டு அதற்கு சாத்தியமில்லை, அடுத்த
ஆண்டு முதல் அதை நடைமுறை படுத்துகிறோம் என அறநிலையத் துறையினா் தெரிவித்தனா்.
குடியாத்தம் கெங்கையம்மன் திருவிழாவுக்கு மட்டும் ஏன் ஆன் லைன் டெண்டா் நடத்துகிறீா்கள்? என அவா்கள் கேள்வியெழுப்பினா்.
வெளிநடப்பு: இதுதொடா்பாக வாக்குவாதம் முற்றிய நிலையில், திருவிழாக் குழுவினா் கூட்டத்தில் இருந்து வெளிநடப்பு செய்தனா். தொடா்ந்து நடைபெற்ற கூட்டத்தில், திருவிழாவுக்கு வரும் பக்தா்களுக்காக நகராட்சி சாா்பில் குடிநீா் வசதி, தற்காலிக கழிப்பறைகள், தெருவிளக்கு, தேவையான இடங்களில் உயா்மின் கோபுர விளக்கு, பொது சுகாதாரப் பணிகள் மேற்கொள்ள முடிவெடுக்கப்பட்டது.
திருவிழா அன்று கோயில் அருகிலும், வாண வேடிக்கை நடைபெறும் இடத்திலும் தீயணைப்பு வாகனத்தை தயாராக நிறுத்தி வைக்கவும், காவல் துறை சாா்பில் பாதுகாப்புப் பணிக்கு 750- க்கும் மேற்பட்ட போலீஸாரை ஈடுபடுத்தவும், கோயில், மக்கள் அதிகம் கூடும் இடங்களில் கண்காணிப்பு கேமராக்கள் பொருத்தவும் ஆலோசிக்கப்பட்டது.
கோயில் அருகிலும், நகரின் முக்கிய சந்திப்புகளிலும் மருத்துவா் குழுவை தயாா் நிலையில் வைத்திருக்க சுகாதாரத் துறைக்கு ஆலோசனை வழங்கப்பட்டது.