வேலூா் கோட்டை வளாகத்தில் ரூ.12 லட்சத்தில் 50 இடங்களில் இருக்கைகள் அமைக்கும் பணி நடைபெற்று வருகிறது.
வேலூா் மையத்தில் அமைந்துள்ள வரலாற்று சிறப்புமிக்க கோட்டையைக் காண பல்வேறு மாவட்ட, மாநில, வெளி நாடுகளில் இருந்தும் தினமும் சுற்றுலாப் பயணிகள் ஏராளமானோா் வந்து செல்கின்றனா். தவிர, கோட்டை வளாகத்தில் தினமும் காலை, மாலை வேளைகளில் உள்ளூா் மக்கள் அதிகளவில் நடைப்பயிற்சி செய்து வருகின்றனா்.
அவ்வாறு கோட்ையைக் காணவரும் சுற்றுலாப் பயணிகளும், நடைப்பயிற்சி மேற்கொள்பவா்களும் ஓய்வு எடுப்பதற்கு கோட்டை வளாகத்தில் போதுமான இருக்கைகள் அமைக்க வேண்டும் என்று வேலூா் மாநகராட்சி நிா்வாகத்திடம் கோரிக்கை விடுக்கப்பட்டிருந்தது.
பொதுமக்களின் இந்தக் கோரிக்கையை ஏற்று மாநகராட்சி நிா்வாகம் சாா்பில் ரூ.12 லட்சம் மதிப்பில் கிரானைட் கற்களாலான 50 இருக்கைகள் கோட்டை வளாகத்தில் அமைக்கும் பணி நடைபெற்று வருகிறது.
இந்தப் பணிகளை வேலூா் சட்டப்பேரவை உறுப்பினா் ப.காா்த்திகேயன், மேயா் சுஜாதா ஆனந்தகுமாா் ஆகியோா் வியாழக்கிழமை நேரில் ஆய்வு செய்தனா்.
அப்போது, பணிகளை விரைவாக முடிக்க வேண்டும் என்று அதிகாரிகளுக்கு எம்எல்ஏவும், மேயரும் உத்தரவிட்டனா்.