முகப்பு அனைத்துப் பதிப்புகள் சென்னை வேலூர்
மறியல்: 30 அதிமுகவினா் மீது வழக்கு
By DIN | Published On : 07th February 2022 11:22 PM | Last Updated : 07th February 2022 11:22 PM | அ+அ அ- |
வேலூா் மாநகராட்சியின் 24-ஆவது வாா்டில் அதிமுக வேட்பாளரின் வேட்பு மனு நிராகரிக்கப்பட்டது தொடா்பாக சாலை மறியலில் ஈடுபட்ட அதிமுகவினா் 30 போ் மீது சத்துவாச்சாரி போலீஸாா் வழக்குப் பதிவு செய்துள்ளனா்.
வேலூா் மாநகராட்சித் தோ்தலையொட்டி 24-ஆவது வாா்டுக்கு அதிமுக சாா்பில் சி.கே.எஸ்.வினோத்குமாா் வேட்பு மனு தாக்கல் செய்திருந்தாா். சனிக்கிழமை நடந்த வேட்புமனு பரிசீலனையில் அவரது மனு தள்ளுபடி செய்யப்பட்டது. இதற்கு எதிா்ப்புத் தெரிவித்து அதிமுக மாநகா் மாவட்டச் செயலா் எஸ்.ஆா்.கே.அப்பு தலைமையில் அதிமுகவினா் சத்துவாச்சாரி 2-ஆவது மண்டல அலுவலகம் முன்பு சாலை மறியலில் ஈடுபட்டனா்.
இந்த மறியலில் ஈடுபட்டது தொடா்பாக சி.கே.எஸ்.வினோத்குமாா், அவரது தந்தை சி.கே.சிவாஜி, எஸ்.ஆா்.கே.அப்பு உள்பட 30 போ் மீது சத்துவாச்சாரி காவல் நிலையத்தில் வழக்குப் பதிவு செய்யப்பட்டுள்ளது.
