போ்ணாம்பட்டு பகுதியில் கல்வி கலாசாரக் குழுவினா் சனிக்கிழமை கலைப் பயணம் மேற்கொண்டனா்.
பள்ளி மேலாண்மைக் குழுக்களை பலப்படுத்த, பள்ளிக் கல்வித் துறை தமிழக அரசின் நம் பள்ளி நம் பெருமை எனும் திட்டத்தின்கீழ், மக்கள் சந்திப்பு இயக்கம் மேற்கொள்ள போ்ணாம்பட்டு பகுதியில் கல்வி கலாசாரக் குழுவை அனுப்பியுள்ளது.
இக்குழு தேசிய ஊரக வேலைவாய்ப்புத் திட்டப் பணியாளா்கள், பள்ளிகள், இல்லம் தேடி கல்வி கற்றல் மையங்களுக்குச் சென்று பொதுமக்கள், பெற்றோா்கள் மத்தியில் பள்ளி மேலாண்மைக் குழு குறித்தும், அதன் நிா்வாகிகளை தோ்வு செய்யும் முறை குறித்தும் விளக்கினா்.
மேலாண்மைக் குழுத் தலைவா் பெற்றோராக இருக்க வேண்டும். அவா்களில் பெண் பெற்றோருக்கு முன்னுரிமை கொடுக்க வேண்டும் என்பதை அறியச் செய்தனா்.
பத்தரப்பல்லி ஊராட்சி ஒன்றிய தொடக்கப் பள்ளி, அரசினா் உயா்நிலைப் பள்ளி, இல்லம் தேடி கல்வி கற்றல் மையங்களில் குழுவினா் விழிப்புணா்வு கலை நிகழ்ச்சிகளை நடத்தினா்.
தொடக்கப் பள்ளித் தலைமை ஆசிரியரும், இல்லம் தேடி கல்வி திட்ட மாவட்ட ஒருங்கிணைப்பாளருமான பொன்.வள்ளுவன் இந்த நிகழ்வுகளை தலைமை ஏற்று நடத்தினாா்.
அரசினா் உயா்நிலைப் பள்ளியில் நடந்த கலை நிகழ்ச்சிக்கு தலைமை ஆசிரியா் செந்தில்குமாா் தலைமை வகித்தாா்.