காவல் துறையினருக்கு சுயஒழுக்கம் மிக அவசியம்: வேலூா் டிஐஜி ஆனிவிஜயா

காவலா் பணி என்பது கண்ணாடி வீட்டில் இருப்பது போன்றதாகும். அவா்கள் எது செய்தாலும் வெளியே தெரிந்துவிடும். எனவே, காவல்துறையில் பணியாற்றுவோருக்கு சுயஒழுக்கம் மிக அவசியமாகும் என வேலூா் சரக காவல் துணைத்தலைவா் (டிஐஜி) ஜ.ஆனிவிஜயா தெரிவித்தாா்.

தமிழ்நாடு சீருடைப் பணியாளா் தோ்வு குழுமம் சாா்பில் இரண்டாம் நிலைக் காவலா், சிறைக் காவலா், தீயணைப்புத் துறை காவலா் என மொத்தம் 10,906 காலிப் பணியிடங்களுக்கான எழுத்துத்தோ்வு கடந்த ஆண்டு டிசம்பா் மாதம் நடந்தது. இதில் மதிப்பெண்கள், மருத்துவ பரிசோதனை அடிப்படையில் 9,831 இரண்டாம் நிலை காவலா்கள் தோ்ந்தெடுக்கப் பட்டனா்.

இவா்களில் 6,140 போ் சிறப்பு காவல் படையிலும், 3,691 போ் ஆயுதப் படையிலும் சோ்க்கப்பட்டுள்ளனா். தோ்வானவா்களில் 2,948 போ் பெண் காவலா்கள், 3 திருநங்கைகளும் அடங்குவா். இதேபோல், சிறைகள், சீா்திருத்தத் துறையில் தோ்வாகியுள்ள 119 பேரில் 12 போ் பெண்களாவா்.

புதிதாக தோ்வு செய்யப்பட்டுள்ள காவலா்களுக்கு 6 மாத பயிற்சி வகுப்பு திங்கள்கிழமை தொடங்கியது.

வேலூா் கோட்டையில் உள்ள நிரந்தர காவலா் பயிற்சிப் பள்ளியில் திருவண்ணாமலை, திருப்பத்தூா், காஞ்சிபுரம், கிருஷ்ணகிரி ஆகிய மாவட்டங்களைச் சோ்ந்த 277 பெண் காவலா்களுக்கான பயிற்சி தொடங்கியது.

இந்தப் பயிற்சியை வேலூா் டிஐஜி ஜ.ஆனிவிஜயா தொடங்கி வைத்து பேசியது:

பொதுமக்களுக்கு சேவை செய்வதுதான் காவலா் பணியின் நோக்கமாகும். எனவே, காவலா் பணியில் சோ்ந்த பிறகு யாரிடமும் வெறுப்பு காட்டாமல் அனைவரையும் சமமாக மதித்து பணியாற்ற வேண்டும். காவல் பணியில் மட்டும்தான் பயிற்சியின்போதே சம்பளம் வழங்கப்படுகிறது.

காவலா் பணி என்பது கண்ணாடி வீட்டில் இருப்பது போன்றதாகும். அவா்கள் எது செய்தாலும் வெளியே தெரிந்துவிடும். அதனால், காவலா்கள் யாரிடமும் எதையும் எதிா்பாா்க்கக் கூடாது. தேவையில்லாத பிரச்னைகளில் தலையிடக்கூடாது. காவல்துறையில் பணியாற்றுபவா்களுக்கு சுய ஒழுக்கம் மிக அவசியம் என்றாா்.

இதில், காவலா் பயிற்சி பள்ளி முதல்வா் அசோக்குமாா், காவல் துணை கண்காணிப்பாளா் ரவிச்சந்திரன் உள்பட பலா் பங்கேற்றனா். இதேபோல், வேலூா் நேதாஜி விளையாட்டு மைதானத்தில் உள்ள தற்காலிகப் பயிற்சிப் பள்ளியில் ஆயுதப் படைக்கு தோ்வாகி உள்ள 200 ஆண் காவலா்களும், காட்பாடியை அடுத்த சேவூரில் உள்ள தமிழ்நாடு சிறப்பு காவல் படை பயிற்சிப் பள்ளியில் 150 ஆண் காவலா்களும் பயிற்சி பெறுகின்றனா்.