காட்பாடியில் 36.68 ஏக்கரில் பல்நோக்கு விளையாட்டு அரங்கம்
காட்பாடியிலுள்ள தமிழ்நாடு விளையாட்டு மேம்பாட்டு ஆணையத்துக்குச் சொந்தமான 36.68 ஏக்கா் நிலத்தில் ரூ.19 கோடியே 24 லட்சத்தில் பல்நோக்கு விளையாட்டு அரங்கம் கட்டப்பட்டுள்ளது.
வேலூா் மாவட்ட அளவிலான இந்த விளையாட்டு அரங்கத்தை முதல்வா் மு.க.ஸ்டாலின் காணொலிக் காட்சி மூலம் திங்கள்கிழமை திறந்து வைத்தாா்.
தமிழ்நாடு விளையாட்டு மேம்பாட்டு ஆணையம் சாா்பில் வேலூா் இன்பென்டரி சாலையில் 1975-ஆம் ஆண்டு அமைக்கப்பட்ட நேதாஜி விளையாட்டு அரங்கம் மாவட்ட விளையாட்டு மைதானமாக செயல்பட்டு வந்தது. இது காவல்துறை கட்டுப்பாட்டின் கீழ் ஆயுதப்படை மைதானமாக பயன்பாட்டில் உள்ளதால் விளையாட்டு வீரா்கள் பயிற்சி பெறவும், போட்டிகளில் தங்களது திறமையை வெளிக்காட்ட முடியாமலும் தவித்து வந்தனா்.
விளையாட்டு வீரா்கள் நலனுக்காக வேலூரில் மாவட்ட அளவிலான விளையாட்டு அரங்கம் அமைக்க வேண்டும் என்று பல ஆண்டுகளாக கோரிக்கை விடுக்கப்பட்டு வந்தது. அதன்பேரில், காட்பாடி, ஓட்டேரி, விருதம்பட்டு ஆகிய இடங்களில் மாவட்ட விளையாட்டு மைதானம் அமைக்க இடம் தோ்வு செய்யப்பட்டு பின்னா் சில காரணங்களால் கைவிடப்பட்டது.
பல ஆண்டுகள் கழித்து வேலூரை அடுத்த ஊசூரில் மாவட்ட விளையாட்டு மைதானம் அமைக்க இடம் தோ்வு செய்யப்பட்டு அரசாணை வெளியிடப்பட்டதுடன், அதற்காக ரூ.16.45 கோடி நிதியும் ஒதுக்கீடு செய்யப்பட்டது. ஆனால், கட்டுமானப் பணிகள் தொடங்க இருந்த நிலையில் திட்டம் மீண்டும் கைவிடப்பட்டது.
இறுதியாக காட்பாடியில் தமிழ்நாடு விளையாட்டு மேம்பாட்டு ஆணையத்துக்குச் சொந்தமாக உள்ள 36.68 ஏக்கா் நிலத்தில் மாவட்ட அளவிலான பல்நோக்கு விளையாட்டு அரங்கம் அமைக்க முடிவு செய்யப்பட்டு அரசாணையும் வெளியிடப்பட்டது. இதற்காக ஏற்கெனவே வெளியான அரசாணை ரத்து செய்யப்பட்டதுடன் நிதி ஒதுக்கீடும் ரூ.19 கோடியே 24 லட்சமாக உயா்த்தப்பட்டது.
அதனடிப்படையில், காட்பாடியிலுள்ள விளையாட்டு மேம்பாட்டு ஆணையத்துக்கு சொந்தமான நிலத்தில் மாவட்ட அளவிலான பல்நோக்கு விளையாட்டு அரங்கம் கட்டும் பணி கடந்த 2019-ஆம் ஆண்டு தொடங்கப்பட்டது. இந்த விளையாட்டு அரங்கத்தில் 46,737 சதுர அடியில் பாா்வையாளா் மாடம், நிா்வாக அலுவலகம், பல்வேறு விளையாட்டு அரங்கங்களும் அமைக்கப்பட்டுள்ளன.
நிா்வாக அலுவலகக் கட்டட தரைதளத்தில் மாவட்ட விளையாட்டு அலுவலா் அலுவலகம், உடற்பயிற்சி அறை, ஆண்கள், பெண்கள் தங்கும் அறை, சமையல் அறை ஆகியவையும் அமைக்கப்பட்டுள்ளன. முதல் தளத்தில் 1,500 போ் அமரக்கூடிய மேற்கூரையுடன் பாா்வையாளா் மாடமும் அமைக்கப்பட்டுள்ளது. இதில் மாற்றுத் திறனாளிகளுக்காக தனி இட வசதியும் செய்யப்பட்டுள்ளது.
கூடைபந்து, ஹாக்கி, கோகோ, கபடி, இறகுபந்து, நீச்சல்குளம், கால்பந்து, 400 மீட்டா் தடகளப் பாதை, இரவு நேரத்திலும் விளையாட்டுப் போட்டிகள் நடத்தும் வகையில் உயா்கோபுர மின்விளக்குகளும் அமைக்கப்பட்டுள்ளன. மேலும், வாகன நிறுத்துமிடம், இணைப்புச் சாலை, கழிவறை வசதிகளும் செய்யப்பட்டுள்ளன.
தமிழகத்திலேயே பெரிய விளையாட்டு மைதானங்களில் ஒன்றாக காட்பாடியில் அமைக்கப்பட்டுள்ள பல்நோக்கு விளையாட்டு அரங்கத்தை முதல்வா் மு.க.ஸ்டாலின் சென்னையில் இருந்தபடி காணொலிக் காட்சி மூலம் திங்கள்கிழமை திறந்து வைத்தாா்.
தொடா்ந்து மாவட்ட ஆட்சியா் பெ.குமாரவேல்பாண்டியன் குத்துவிளக்கேற்றியதுடன், புதிய பல்நோக்கு விளையாட்டு அரங்கத்தில் தடகளப் போட்டிகளையும் தொடக்கி வைத்தாா். விழாவில், மேயா் சுஜாதாஆனந்தகுமாா், துணைமேயா் எம்.சுனில்குமாா், மாநகராட்சி ஆணையா் ப.அசோக்குமாா், மாவட்ட விளையாட்டு அலுவலா் ஆழிவாசன் உள்ளிட்டோா் பங்கேற்றனா்.