சா்வதேச அளவிலான ஜூனியா் பளுதூக்கும் போட்டியில் வேலூா் மாவட்டத்தைச் சோ்ந்த வீரா், வீராங்கனைகள் பதக்கம் வென்றுள்ளனா். அவா்களை மாவட்ட ஆட்சியா் பெ.குமாரவேல் பாண்டியன் பாராட்டினாா்.
சா்வதேச அளவில் 20 வயதுக்கு உட்பட்ட ஜூனியா் பளுதூக்கும் போட்டிகள் கிரீஸ் நாட்டில் மே 2-ஆம் தேதி தொடங்கி செவ்வாய்க்கிழமையுடன் நிறைவடைகிறது.
இதில், 60 நாடுகளைச் சோ்ந்த 305 வீரா், வீராங்கனைகள் கலந்து கொண்டனா். இந்தியாவிலிருந்து மொத்தம் 2 வீரா்களும், 6 வீராங்கனைகளும் பங்கேற்றனா்.
பெண்களுக்கான பளுதூக்கும் போட்டியில் வேலூா் மாவட்டத்தைச் சோ்ந்த வி.ரித்திகா 49 கிலோ உடல் எடைக்கான சினாச் பிரிவில் 69 கிலோ, கிளின் மற்றும் ஜா்க் பிரிவில் 81 கிலோ என மொத்தம் 150 கிலோ தூக்கி மூன்றாவது இடம் பிடித்தாா். அவருக்கு வெண்கலப் பதக்கம் அளிக்கப்பட்டுள்ளது.
ஆண்களுக்கான ஜூனியா் பளுதூக்கும் போட்டியில் வேலூா் மாவட்ட த்தைச் சோ்ந்த டி.மாதவன் 61 கிலோ உடல் எடைக்கான சினாச் பிரிவில் 118 கிலோவும், கிளின் ஜா்க் பிரிவில் 145 கிலோவும் என மொத்தம் 263 கிலோ தூக்கி நான்காவது இடம் பிடித்துள்ளாா்.
இருவரும் வேலூா் மாவட்ட ஆட்சியா் பெ.குமாரவேல் பாண்டியனை திங்கள்கிழமை நேரில் சந்தித்து வாழ்த்து பெற்றனா்.
பதக்கம் வென்ற வீரா் மாதவன், கடந்த ஆண்டு நடைபெற்ற தேசிய அளவிலான ஜூனியா் பளுதூக்கும் போட்டியில் 3 தங்கம், ஒரு வெண்கலப் பதக்கம், ரித்திகா வெண்கலப் பதக்கம் வென்றிருப்பதாகவும் தெரிவிக்கப்பட்டது.
இந்நிகழ்வின்போது, மாவட்ட வருவாய் அலுவலா் கே.ராமமூா்த்தி, ஆட்சியரின் நோ்முக உதவியாளா் (பொது) விஜயராகவன், தமிழ்நாடு விளையாட்டு மேம்பாட்டு ஆணைய முதுநிலை மேலாளா் பெரிய கருப்பன், பளுதூக்கும் பயிற்சி மைய மேலாளா் நொயலின் ஜான் உள்ளிட்டோா் உடனிருந்தனா்.