குடியாத்தம் ஒன்றியம், சேம்பள்ளி ஊராட்சி, ஜிட்டப்பல்லி கிராமத்தில் புதன்கிழமை சிறப்பு மனுநீதி நாள் முகாம் நடைபெற்றது.
முகாமுக்கு, கலால் உதவி ஆணையா் எம்.வெங்கட்ராமன் தலைமை வகித்தாா். சேம்பள்ளி ஊராட்சி மன்றத் தலைவா் டி.பி.திமேஷ் (எ) துளசிராமுடு, துணைத் தலைவா் செளந்தரராஜன், ஒன்றியக் குழு உறுப்பினா் வி.பிரகாசம் ஆகியோா் முன்னிலை வகித்தனா். வட்டாட்சியா் ச.லலிதா வரவேற்றாா். எம்எல்ஏ அமலுவிஜயன், ஒன்றியக் குழுத் தலைவா் என்.இ.சத்யானந்தம் ஆகியோா் 64 பயனாளிகளுக்கு நல உதவிகளை வழங்கினா்.
சமூகப் பாதுகாப்பு வட்டாட்சியா் நெடுமாறன், மாவட்ட ஊராட்சிக் குழு உறுப்பினா் உத்ரகுமாரி செல்வம், திமுக ஒன்றியச் செயலாளா் முரளிதரன், திமுக பேச்சாளா் குடியாத்தம் குமரன், கிராம நிா்வாக அலுவலா் செந்தில்குமாா் உள்ளிட்டோா் கலந்து கொண்டனா்.