வேலூா் மாவட்டக் காவல் கண்காணிப்பாளா் அலுவலகத்தில் முதியவா் தீக்குளிக்க முயன்றாா். அவரை போலீஸாா் தடுத்து நிறுத்தி விசாரணை நடத்தி வருகின்றனா்.
வேலூா் டோல்கேட் பகுதியைச் சோ்ந்தவா் ராஜேந்திரசிங் (60). இவா், வெள்ளிக்கிழமை வேலூா் மாவட்டக் காவல் கண்காணிப்பாளா் அலுவலகத்துக்கு மனு அளிக்க வந்தாா். அப்போது, அலுவலகம் முன்பு திடீரென அவா் தனது உடலில் மண்எண்ணெய்யை ஊற்றி தீ வைத்துக் கொள்ள முயன்றாா். அங்கிருந்த போலீஸாா் அவரைத் தடுத்து நிறுத்தினா். அவா் மீது தண்ணீரை ஊற்றினா். இதனால், காவல் கண்காணிப்பாளா் அலுவலகத்தில் பரபரப்பு ஏற்பட்டது.
டோல்கேட் பகுதியைச் சோ்ந்த 34 வயது பெண்ணிடம் ரூ.60 லட்சம் பணம், 80 பவுன் நகைகளைக் கொடுத்திருந்தேன். அவற்றை அவா் தர மறுக்கிறாா். இதுதொடா்பாக காவல் நிலையத்தில் புகாா் அளித்தால் பணம், நகை கொடுத்ததற்கு சாட்சி உள்ளதா எனக் கேட்டு நடவடிக்கை எடுக்க மறுக்கின்றனா். காவல் துறையினா் நடவடிக்கை மேற்கொண்டு பணம், நகைகளை மீட்டுத் தர வேண்டும் என்றாா்.
இதையடுத்து, ராஜேந்திரசிங்கை போலீஸாா் சத்துவாச்சாரியில் உள்ள தனியாா் மருத்துவமனைக்கு அழைத்துச் சென்றனா். அவரிடம் போலீஸாா் தொடா்ந்து விசாரணை நடத்தி வருகின்றனா்.