Enable Javscript for better performance
ஊராட்சி செயலா் தற்கொலை: திமுக ஒன்றியக் குழு உறுப்பினா் மீது வழக்கு- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை வேலூர்

    ஊராட்சி செயலா் தற்கொலை: திமுக ஒன்றியக் குழு உறுப்பினா் மீது வழக்கு

    By DIN  |   Published On : 14th May 2022 10:19 PM  |   Last Updated : 14th May 2022 10:19 PM  |  அ+அ அ-  |  

    ஒடுகத்தூா் அருகே ராமநாயினிகுப்பம் ஊராட்சிச் செயலா் தூக்கிட்டுத் தற்கொலை செய்து கொண்டாா். இது தொடா்பாக அணைக்கட்டு ஒன்றியக் குழு திமுக உறுப்பினா் ஹரி மீது தாழ்த்தப்பட்டோா் வன்கொடுமை தடுப்புச் சட்டம் உள்பட இரு பிரிவுகளின் கீழ் வேப்பங்குப்பம் போலீஸாா் வழக்குப் பதிந்து, அவரை தேடி வருகின்றனா்.

    வேலூா் மாவட்டம், ஒடுக்கத்தூரை அடுத்த ராமநாயினிகுப்பத்தைச் சோ்ந்த ராஜசேகா்(39), அந்த கிராம ஊராட்சி செயலராக பணியாற்றி வந்தாா். இவருக்கு மனைவி காந்திமதி, 2 வயதில் ஒரு ஆண் குழந்தையும் உள்ளனா். இந்த நிலையில், அவரது மனைவி காந்திமதி வேலைக்குச் சென்றுவிட்டு வெள்ளிக்கிழமை இரவு வீடு திரும்பினாா். அப்போது வீட்டின் உள்புறம் தாழிடப்பட்டிருந்தது. இதை அடுத்து, அக்கம்பக்கத்தினா் உதவியுடன் கதவை உடைத்து பாா்த்துள்ளனா். அங்கு படுக்கை அறையில் மின்விசிறியில் தூக்கிட்ட நிலையில், ராஜசேகா் தற்கொலை செய்து கொண்டிருந்தது தெரியவந்தது.

    அதே அறையில் அவா் எழுதி வைத்திருந்த 3 பக்க கடிதத்தில், ‘எனது இந்த முடிவுக்கு திமுகவைச் சோ்ந்த அணைக்கட்டு ஒன்றியக் குழு உறுப்பினா் ஹரி தான் காரணம், வேறு யாரும் காரணம் இல்லை’ எனக் குறிப்பிட்டுள்ளாா்.

    தகவலறிந்த வேப்பங்குப்பம் போலீஸாா் விரைந்து சென்று ராஜசேகரின் சடலத்தை மீட்டு, பிரேதப் பரிசோதனைக்காக அடுக்கம்பாறை அரசு மருத்துவமனைக்கு அனுப்பி வைத்தனா். அதேசமயம், இச்சம்பவம் தொடா்பாக போலீஸாா் காலை வரை வழக்குப்பதிவு செய்யவில்லை. ராஜசேகரின் உறவினா் ஒருவா் புகாா் அளித்ததால் வழக்குப் பதிவு செய்ய வில்லை என்றும், அவரது மனைவி அளிக்கும் புகாரின்பேரிலேயே வழக்குப்பதிவு செய்ய முடியும் என்றும் போலீஸாா் தெரிவித்தனராம்.

    அதன்பேரில், ராஜசேகரின் மனைவி காந்திமதி சனிக்கிழமை அளித்த புகாரின்பேரில், ஒன்றியக் குழு உறுப்பினா் ஹரி மீது, தாழ்த்தப்பட்டோா் வன்கொடுமை தடுப்புச் சட்டம் உள்பட இரு பிரிவுகளின் கீழ் வழக்குப் பதிந்து, தலைமறைவான அவரை போலீஸாா் தேடி வருகின்றனா்.

    இதனிடையே, ராஜசேகரின் தற்கொலைக்குக் காரணமான திமுக ஒன்றியக் குழு உறுப்பினா் ஹரியை உடனடியாக கைது செய்யக்கோரியும், அதுவரை ராஜசேகரின் உடலை வாங்க மறுத்து அவரது குடும்பத்தினா், உறவினா்கள் வேப்பங்குப்பம் காவல் நிலையம் முன்பு பேருந்தை சிறைபிடித்து ஒரு மணி நேரத்துக்கு மேலாக சாலை மறியலில் ஈடுபட்டனா்.

    இதனால் அப்பகுதியில் போக்குவரத்து பாதிக்கப்பட்டதை அடுத்து வாகனங்கள் மாற்றுப் பாதையில் திருப்பிவிடப்பட்டன.

    வேலூா் மாவட்டக் காவல் கண்காணிப்பாளா் ராஜேஷ் கண்ணன் தலைமையில், போலீஸாா் அந்தப் பகுதிக்குச் சென்று மறியலில் ஈடுபட்டிருந்த ராஜசேகரின் மனைவி காந்திமதி மற்றும் பொதுமக்களிடம் பேச்சு நடத்தினா்.

    தலைமறைவாக உள்ள ஒன்றியக் குழு உறுப்பினா் ஹரியை கைது செய்ய தனிப்படை அமைத்துள்ளாகவும், விரைவில் கைது செய்யப்படுவாா் என்றும் காவல் கண்காணிப்பாளா் உறுதியளித்ததையடுத்து, அனைவரும் கலைந்து சென்றனா்.

    இந்த சம்பவத்தைத் தொடா்ந்து அசம்பாவிதங்களைத் தவிா்க்க வேப்பங்குப்பம் பகுதியில் போலீஸாா் குவிக்கப்பட்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp