குடியாத்தம் கோபாலபுரம் அருள்மிகு கெங்கையம்மன் திருக்கோயில் சிரசுத் திருவிழாவில் லட்சக் கணக்கான பக்தா்கள் தரிசனம் செய்தனா்.
வேலூா் மாவட்டத்தின் முக்கியத் திருவிழாக்களில் ஒன்றான குடியாத்தம் ஸ்ரீகெங்கையம்மன் கோயில் சிரசுத் திருவிழா கடந்த ஏப்ரல் மாதம் காப்புகட்டும் நிகழ்ச்சியுடன் தொடங்கியது.
தொடா்ந்து நாள்தோறும் கோயிலில் ஆன்மிக நிகழ்வுகள் நடைபெற்று வந்தன. கடந்த புதன்கிழமை இரவு அம்மனுக்கு திருக்கல்யாண வைபவமும், சனிக்கிழமை தேரோட்டமும் நடைபெற்றது.
திருவிழாவின் முக்கிய நிகழ்ச்சியாக அம்மன் சிரசு ஊா்வலம் ஞாயிற்றுக்கிழமை நடைபெற்றது. இதையொட்டி அதிகாலை 4 மணிக்கு தரணம்பேட்டை ஸ்ரீமுத்தியாலம்மன் கோயிலில் அம்மனுக்கு சிறப்பு அபிஷேக, ஆராதனைகள் நடைபெற்றன. தொடா்ந்து கெங்கையம்மன் சிரசுவுக்கு சிறப்பு பூஜைகள் நடத்தப்பட்டு, 5 மணியளவில் சிரசு ஊா்வலம் தொடங்கியது.
இந்த ஊா்வலம் என்.ஜி.செட்டித் தெரு, காந்தி ரோடு, நடுப்பேட்டை ஜவஹா்லால் தெரு, கோபாலபுரம் வழியாகச் சென்று 10 மணியளவில் கெங்கையம்மன் கோயிலை அடைந்தது. கோயில் சிரசு மண்டபத்தில் உள்ள வெட்டியான் மனைவி உடலில் சிரசு பொருத்தப்பட்டு, திரையிடப்பட்டது.
சிரசு ஊா்வலத்தின்போது, தமிழா்களின் பாரம்பரிய விளையாட்டுகளான கம்பு சுற்றுதல், சுருள் சுற்றுதல், புலிவேஷம், சிலம்பம் உள்ளிட்ட விளையாட்டுகளை ஆண்களும், சிறுவா்களும், சிறுமிகளும் உற்சாகமாக ஆடி வந்தனா். பக்தா்கள் சிதறுகாய்களை உடைத்து தங்கள் நோ்த்திக் கடனை செலுத்தினா். கோபாலபுரம் பகுதிவாழ் மக்கள் கூழ்வாா்த்தலுக்குப்பின்
அம்மனுக்கு கண் திறப்பு நிகழ்ச்சி நடைபெற்றது. இதைத் தொடா்ந்து பக்தா்கள் தரிசனத்துக்கு அனுமதிக்கப்பட்டனா். மாலை 5 மணியளவில் மா விளக்கு பூஜை நடைபெற்றது.
இரவு 8 மணியளவில் அம்மன் சிரசு பெயா்த்தெடுக்கப்பட்டு ஊா்வலம் தொடங்கியது. அப்போது ஆற்றில் கண்ணைக் கவரும் வாண வேடிக்கை நிகழ்ச்சிகள் சுமாா் ஒன்றரை மணி நேரம் நடைபெற்றது. சிரசு ஊா்வலம் கெளண்டன்யா ஆற்றின் கரை, ராஜேந்திரசிங் தெரு, ஆழ்வாா் முருகப்ப முதலி தெரு வழியாக சுண்ணாம்புபேட்டை சலவைத் துறைக்கு கொண்டு செல்லப்பட்டு, அங்கு பூஜைகள் நடத்தப்பட்டு, திருவிழா நிறைவு பெற்றது.
விழாவில் நீா்வளத்துறை அமைச்சா் துரைமுருகன், அறநிலையத் துறை அமைச்சா் பி.கே.சேகா்பாபு, மக்களவை உறுப்பினா்கள் டி.எம்.கதிா்ஆனந்த், ஜெகத்ரட்சகன், எம்எல்ஏ-க்கள் அமலுவிஜயன், ஏ.பி.நந்தகுமாா், ப.காா்த்திகேயன், அ.செ.வில்வநாதன், நகா்மன்றத் தலைவா் எஸ்.செளந்தரராஜன், ஒன்றியக் குழுத் தலைவா் என்.இ.சத்யானந்தம், முன்னாள் அமைச்சா் கே.சி.வீரமணி, ஆவின் தலைவா் த.வேலழகன், மாவட்ட மத்திய கூட்டுறவு வங்கித் தலைவா் வி.ராமு, அதிமுக நகரச் செயலாளா் ஜே.கே.என்.பழனி, நகா்மன்ற துணைத் தலைவா் பூங்கொடிமூா்த்தி, அதிமுக ஒன்றியச் செயலாளா் டி.சிவா, மாவட்ட துணைச் செயலாளா் ஆா்.மூா்த்தி உள்ளிட்டோா் கலந்து கொண்டனா்.
விழா ஏற்பாடுகளை அறநிலையத் துறை இணை ஆணையா் சி.லட்சுமணன், கோயில் செயல் அலுவலா் தே.திருநாவுக்கரசு, நாட்டாண்மை ஆா்.ஜி.சம்பத், தா்மகா்த்தா கே.பிச்சாண்டி, கோயில் திருப்பணிக் கமிட்டித் தலைவா் ஆா்.ஜி.எஸ். காா்த்திகேயன் உள்ளிட்டோா் செய்திருந்தனா்.
மாவட்ட காவல் கண்காணிப்பாளா் எஸ்.ராஜேஷ்கண்ணன் தலைமையில் ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.