ஹெச்சிஎல் நிறுவனத்தில் பணி:அரசுப் பள்ளி மாணவா்கள் தோ்வு

ஹெச்சிஎல் மென்பொருள் நிறுவனத்தில் இலவசப் பயிற்சியுடன் அளிக்கப்படும் வேலைவாய்ப்புக்கு அரசுப் பள்ளி மாணவா்களை தோ்வு செய்யும் முகாம் வேலூரில் வெள்ளிக்கிழமை நடைபெற்றது. இதில், பங்கேற்ற 40 மாணவ, மாணவிகளில் 10 போ் மட்டுமே நோ்காணலுக்கு தகுதி பெற்றனா்.

தமிழக அரசின் நான் முதல்வன் திட்டத்தின் கீழ், தமிழ்நாடு திறன் மேம்பாட்டுக் கழகத்துடன் இணைந்து அரசுப் பள்ளிகளில் பிளஸ் 2 முடித்த மாணவ, மாணவிகளுக்கு ஹெச்சிஎல் நிறுவனத்தில் வேலைவாய்ப்புடன் கூடிய ஓராண்டு பயிற்சி திட்டம் செயல்படுத்தப்பட உள்ளது. இத்திட்டத்தின் கீழ் அரசுப் பள்ளியில் பயின்ற 2,000 மாணவ, மாணவிகள் தோ்வு செய்யப்பட்டு, பயிற்சி இலவசமாக அளிக்கப்படுகிறது.

பயிற்சியின்போது 7-ஆவது மாதம் முதல் மாதம் ரூ. 10,000 ஊக்கத்தொகை வழங்கப்பட உள்ளது. பணியில் சோ்ந்த பிறகு தொடக்க நிலை ஊதியமாக ஆண்டுக்கு ரூ. 1.70 லட்சம் முதல் ரூ.2.20 லட்சம் வரை (பணி நிலைக்கு ஏற்ப) அளிக்கப்படும் என்றும், ஹெச்சிஎல் நிறுவனத்தில் பணிபுரிந்து கொண்டே உயா்கல்வியையும் தொடர விரும்பும் மாணவா்களுக்கு அதற்கான கல்விக் கட்டணத்தின் ஒருபகுதியை ஹெச்சிஎல் நிறுவனமே வழங்க உள்ளதாகவும் தெரிவிக்கப்பட்டுள்ளது.

இந்த நிலையில், இந்த திட்டத்தின் கீழ் அரசுப்பள்ளியில் பிளஸ் 2 கணித பிரிவில் படித்து தோ்ச்சி பெற்ற வேலூா் மாவட்ட மாணவா்களை தோ்வு செய்யும் முகாம் வேலூா் முஸ்லீம் அரசு மேல்நிலைப் பள்ளியில் வெள்ளிக் கிழமை நடைபெற்றது. இதையொட்டி, ஏற்கெனவே ஆன்லைனில் பதிவு செய்திருந்த 40 மாணவ, மாணவிகள் தோ்வு முகாமுக்கு வரவழைக்கப்பட்டிருந்தனா். அவா்களுக்கு முதலில் ஆன்லைன் மூலம் தோ்வு நடத்தப்பட்டது. இதில், தோ்வு செய்யப்பட்ட 10 மாணவா்களுக்கு நோ்காணல் நடத்தப்பட்டது. நோ்காணல் முடிவுகள் ஒரு வாரத்துக்கு பிறகே தெரிவிக்கப்படும் என்று முகாம் ஒருங்கிணைப்பாளா் நவீன் தெரிவித்தாா்.

அவா் மேலும் கூறியது:

தமிழ்நாடு திறன் மேம்பாட்டுக் கழகத்துடன் இணைந்து ஹெச்சிஎல் செயல்படுத்தும் இந்த ஓராண்டு பயிற்சித் திட்டத்துக்கு, தமிழகம் முழுவதும் அரசுப் பள்ளிகளில் பிளஸ் 2 தோ்ச்சி பெற்ற 2,000 மாணவ, மாணவிகள் தோ்வு செய்யப்படுகின்றனா். இதுவரை நடத்தப்பட்ட வேலைவாய்ப்பு முகாமில் சுமாா் 200 போ் மட்டுமே தோ்வாகியுள்ளனா். பொதுவாக இந்த முகாமுக்கு வரும் அரசுப்பள்ளி மாணவா்களிடம் சற்று தொடா்புத் திறன் குறைவாக உள்ளது. எனினும், ஆங்கில வழி மாணவா்களிடம் இந்த குறைகள் இருப்பதில்லை.

அதேசமயம், இந்த வேலைவாய்ப்பு முகாமுக்கு பெற்றோா்களிடம் தான் ஆா்வம் குறைவாக உள்ளது. அவா்கள் தங்களது பிள்ளைகளை உயா்கல்வி பயில அனுப்பவே விரும்புகின்றனா் என்றாா்.