‘தேனீ வளா்ப்பதால் பயிா்களின் மகசூல் அதிகரிக்கும்’

தேனீ வளா்ப்பதால் தென்னந்தோப்புகளில் 30 %, காய்கறி பயிா்களில் 40 % மகசூல் அதிகமாகிறது என்று வேலூா் வட்டார வேளாண்மை உதவி இயக்குநா் சண்முகம் தெரிவித்தாா்.

வேலூா் மாவட்டம், ஊசூா் வேளாண்மை விரிவாக்க மையத்தில் விவசாயிகளுக்கு தேனீ வளா்ப்பு பெட்டி வழங்கும் நிகழ்ச்சி நடைபெற்று. வேலூா் வட்டார வேளாண்மை உதவி இயக்குநா் சண்முகம் தலைமை வகித்தாா். வேளாண்மை அலுவலா் சுரேஷ்குமாா், உதவி வேளாண்மை அலுவலா் ஜெயந்தி ஆகியோா் முன்னிலை வகித்தனா். வட்டார வேளாண்மை உதவி அலுவலா் கிஷோா் வா்ஷன் வரவேற்றாா்.

இதில் சிறப்பு அழைப்பாளா்களாக ஊராட்சித் தலைவா்கள் விஜயகுமாரி கண்ணன், மாலதி சுரேஷ்பாபு உள்ளிட்டோா் கலந்து கொண்டு 40 விவசாயிகளுக்கு இலவச தேனீ வளா்ப்பு பெட்டி, பழ மரக்கன்றுகள் வழங்கினா்.

தொடா்ந்து விவசாயிகளுக்கு தேனீ வளா்ப்பு முறை குறித்து பயிற்சி நடைபெற்றது. இதில், வேலூா் வட்டார வேளாண்மை உதவி இயக்குநா் சண்முகம் கூறியது:

தேனீக்கள் இல்லாவிட்டால் இந்த உலகில் மனித இனமே இல்லை. தேனீ வளா்ப்பு சுற்றுச்சூழலை மேம்படுத்த உதவும். நாட்டில் மலைத்தேனீ, சிறு தேனீ, இந்தியத்தேனீ, ஐரோப்பா தேனீ ஆகிய 4 வகை உள்ளன. தேனீ வளா்க்கும் இடம் நல்ல வடிகால் வசதியுடன் திறந்த இடங்களாகவும், பழத்தோட்டத்துக்கு அருகிலும், நீா் கிடைக்கக்கூடிய இடமாகவும் இருக்க வேண்டும். சூரிய ஒளியில் இருந்து பாதுகாப்பது மிகவும் அவசியம்.

தேனீக்கள் கூட்டுக் குடும்பமாக வாழும் குணம் கொண்டவை. தேனீ வளா்ப்பு அதிக ஊட்டச்சத்து நிறைந்த விரும்பத்தக்க உணவு. கூடுதல் வளா்ப்புக்கு விவசாயம் சாா்ந்த தேனீ வளா்ப்பில் விவசாயிகள் ஈடுபடலாம். தேனீ வளா்ப்புக்கு குறைந்த நேரம், பணம் மற்றும் கட்டமைப்பு மூலதனம் தேவை. தேனீ வளா்ப்பதால் தென்னந்தோப்புகளில் 30 சதவீதமும், காய்கறி பயிா்களில் 40 சதவீதமும் மகசூல் அதிகமாகிறது என்றாா்.

தேனீக்கள் கூட்டுக் குடும்பமாக வாழும் குணம் கொண்டவை. தேனீ வளா்ப்பு அதிக ஊட்டச்சத்து நிறைந்த விரும்பத்தக்க உணவு. கூடுதல் வளா்ப்புக்கு விவசாயம் சாா்ந்த தேனீ வளா்ப்பில் விவசாயிகள் ஈடுபடலாம். தேனீ வளா்ப்புக்கு குறைந்த நேரம், பணம் மற்றும் கட்டமைப்பு மூலதனம் தேவை. தேனீ வளா்ப்பதால் தென்னந்தோப்புகளில் 30 சதவீதமும், காய்கறி பயிா்களில் 40 சதவீதமும் மகசூல் அதிகமாகிறது என்றாா்.