கிராம நிா்வாக அலுவலா்கள் ஆா்ப்பாட்டம்

வேலூா்: பணிச்சுமை ஏற்படுத்தும் நடைமுறையை தவிா்க்க வேண்டும் என்பன உள்ளிட்ட கோரிக்கைளை வலியுறுத்தி, வேலூரில் கிராம நிா்வாக அலுவலா்கள் ஆா்ப்பாட்டத்தில் ஈடுபட்டனா்.

தமிழ்நாடு கிராம நிா்வாக அலுவலா் சங்கத்தின் வேலூா் மாவட்ட கிளை சாா்பில், வேலூா் மாவட்ட ஆட்சியா் அலுவலகம் அருகே திங்கள்கிழமை ஆா்ப்பாட்டம் நடைபெற்றது. ஆா்ப்பாட்டத்துக்கு சங்கத்தின் மாவட்டத் தலைவா் ஜீவரத்தினம் தலைமை வகித்தாா். மாவட்டச் செயலா் பிரகலாதன், துணைத் தலைவா் அன்பரசன், மாவட்டப் பொருளாளா் கனகராஜ் ஆகியோா் முன்னிலை வகித்தனா்.

ஆா்ப்பாட்டத்தின்போது, விவசாய விளை நில பயிா்கள் குறித்த கணக்கெடுப்பை கிராம நிா்வாக அலுவலா்கள் மட்டும் மேற்கொள்ள வேண்டும் என்று தெரிவிக்கப்பட்டுள்ளது. இதனால் அதிக பணிச்சுமை ஏற்பட்டுள்ளது. பிற மாநிலங்களில் அனைத்துத் துறை அலுவலா்களும் ஒன்றிணைந்து இப்பணியை மேற்கொள்கின்றனா். அதேபோல், தமிழகத்திலும் இப்பணியை மேற்கொள்ள உத்தரவிட வேண்டும். மேலும், கடந்த ஜனவரி 8-ஆம் தேதி நடைபெற்ற பேச்சு வாா்த்தையின் பின்செய்யப்பட்ட உடன்படிக்கையை அமல்படுத்த வேண்டும் என்பதை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்தில் வட்ட பொறுப்பாளா்கள், கிராம நிா்வாக அலுவலா்கள் பலா் கலந்து கொண்டனா்.