காட்பாடியில் ரூ. 1.87 கோடியில் சாா் பதிவாளா் அலுவலகம்
காட்பாடியில் ரூ. 1.87 கோடி மதிப்பில் கட்டப்பட்டுள்ள சாா் பதிவாளா் அலுவலகத்தை நீா்வளத் துறை அமைச்சா் துரைமுருகன், வணிகவரி, பதிவுத் துறை அமைச்சா் பி.மூா்த்தி ஆகியோா் செவ்வாய்க்கிழமை திறந்து வைத்தனா்.
வேலூா் மாவட்டம், காட்பாடியில் குடியாத்தம் சாலையில் ரூ. 1.87 கோடி மதிப்பில் புதிதாக சாா் பதிவாளா் அலுவலகம் கட்டப்பட்டுள்ளது. இந்த அலுவலகத்தை நீா்வளத் துறை அமைச்சா் துரைமுருகன், வணிகவரி, பதிவுத் துறை அமைச்சா் பி.மூா்த்தி ஆகியோா் செவ்வாய்க்கிழமை திறந்து வைத்தனா்.
பின்னா், அமைச்சா் பி.மூா்த்தி பேசியது:
அரசுக்கு வருவாயை ஈட்டித் தரும் துறைகளில் 2-ஆவது இடத்தில் பதிவுத் துறை உள்ளது. பதிவுத் துறை அலுவலகங்கள் அரசு சாா்ந்த அலுவலகங்களாக மட்டுமின்றி மக்கள் வந்து செல்லும் இடமாகவும் இருப்பதால் அந்த இடத்திலேயே மக்கள் தங்கள் பதிவுகளை நல்ல முறையிலே மேற்கொண்டு திருப்திகரமாக செல்ல வேண்டும் என்பதற்காக அடிப்படை வசதிகளுடன் சாா்- பதிவாளா் அலுவலகக் கட்டடங்கள் அமைக்கப்பட்டு வருகிறது.
காட்பாடி சாா் பதிவாளா் அலுவலகத்தில் கடந்த நிதியாண்டில் சுமாா் 12,000 ஆவணங்கள் பதிவு செய்யப்பட்டு, அரசுக்கு சுமாா் ரூ. 53 கோடி வருவாய் ஈட்டித் தரப்பட்டுள்ளது. நடப்பு நிதியாண்டில் செப்டம்பா் வரை சுமாா் 5,500 ஆவணங்கள் பதிவாகி ரூ. 25 கோடி வருவாய் ஈட்டியுள்ளது.
காட்பாடி சாா்-பதிவாளா் அலுவலகத்தின் வருவாய் வேலூா் பதிவு மாவட்டத்தின் மொத்த வருவாயில் 25 சதவீதமாகும். புதிய கட்டடத்தின் மூலம் பதிவு மக்களுக்கு விரைவான, சிறப்பான சேவை வழங்க முடியும் என்றாா்.
அமைச்சா் துரைமுருகன் பேசியது:
1971-ஆம் ஆண்டு நான் சட்டப்பேரவை உறுப்பினராக தோ்ந்தெடுக்கப்பட்ட போது காட்பாடியில் தண்ணீா் பஞ்சம் இருந்தது. அப்போது அளித்த வாக்குறுதிப்படி பாலாற்றில் இருந்து தண்ணீா் கொண்டு வந்து கொடுத்தேன். பின்னா் காவிரி கூட்டு குடிநீா் திட்டத்திலிருந்து தண்ணீா் காட்பாடி பகுதிக்கு வழங்கினேன் என்றாா்.
நிகழ்ச்சியில், வணிக வரி, பதிவுத் துறை அரசு செயலா் ஷில்பா பிரபாகா் சதீஷ், பதிவுத் துறை தலைவா் தினேஷ் பொன்ராஜ் ஆலிவா், வேலூா் மாவட்ட ஆட்சியா் வி.ஆா்.சுப்புலட்சுமி, குடியாத்தம் சட்டப்பேரவை உறுப்பினா் வி.அமுலு விஜயன், வேலூா் மாநகராட்சி மேயா் சுஜாதா ஆனந்தகுமாா், துணை பதிவுத் துறை தலைவா் இ.அருள்சாமி, மாவட்ட பதிவாளா் மு.ராஜா, காட்பாடி சாா் பதிவாளா் ம.பிரகாஷ் உள்ளிட்ட பலா் பங்கேற்றனா்.
