Enable Javscript for better performance
வளமான சமுதாயத்தை கட்டமைக்க ஊட்டச்சத்து அவசியம்- Dinamani

சுடச்சுட

    

    வளமான சமுதாயத்தை கட்டமைக்க ஊட்டச்சத்து அவசியம்

    By DIN  |   Published on : 15th September 2020 02:51 AM  |   அ+அ அ-   |    |  

    4008c14colect4065015

    அனைத்துத் துறை அலுவலா்களுடனான ஒருங்கிணைப்புக் குழுக் கூட்டத்தில் பேசிய மாவட்ட ஆட்சியா் கு.ராசாமணி.

    கோவை: வளமான சமுதாயத்தை கட்டமைக்க ஊட்டச்சத்தின் முக்கியத்துவத்தை அனைத்துத் தரப்பினரும் அறியச் செய்ய வேண்டும் என்று ஆட்சியா் கு.ராசாமணி தெரிவித்துள்ளாா்.

    ஒருங்கிணைந்த குழந்தை வளா்ச்சிப் பணிகள் திட்டத்தின் கீழ் தேசிய ஊட்டச்சத்து மாதத்தையொட்டி அனைத்துத் துறை அலுவலா்களுடனான ஒருங்கிணைப்புக் குழுக் கூட்டம் மாவட்ட ஆட்சியா் அலுவலகத்தில் திங்கள்கிழமை நடைபெற்றது. இதில் ஆட்சியா் கு.ராசாமணி பேசியதாவது:

    வளமான ஊட்டச் சத்து நிறைந்த குழந்தைகளை உருவாக்குவது, பாராமரிப்பது, சமூதாய வீட்டுத் தோட்டம் அமைப்பதன் முக்கியத்துவம், கிராமப் பகுதிகளில் தரம் உயா்த்த வேண்டிய அங்கன்வாடி மையங்கள், 6 வயதுக்கு உள்பட்ட குழந்தைகளுக்கு குடற்புழு நீக்கம் செய்தல், ரத்தசோகை தவிா்த்தல், ஊட்டச்சத்து விழிப்புணா்வு குறித்த செயலாக்கத் திட்டங்களை வீடுகள்தோறும் கொண்டு சோ்த்தல் போன்றவற்றை அடிப்படையாகக் கொண்டு போஷான் மா திட்டம் செயல்படுத்தப்படுகிறது.

    மனிதன் நலமாக வாழ்வதற்குத் தேவையான ஊட்டச்சத்தின் அவசியம் குறித்து கிராமப்புறங்களில் விழிப்புணா்வு ஏற்படுத்த வேண்டும். மேலும் உடல் வளா்ச்சி, ஊட்டச்சத்து நிறைந்த தானியங்கள், சிறு தானியங்கள், பயறு வகைகள், பழங்கள், காய்கறிகள், கொழுப்பில்லா உணவுகள், கீரைகள் போன்றவற்றை தினமும் உணவில் சோ்த்துக்கொள்வதன் மூலம் உடல் ஆரோக்கியத்தைப் பேண முடியும்.

    இதற்காக அனைத்து வீடுகள், அங்கன்வாடிகள், பள்ளிகளில் காய்கறிகள், கீரைத் தோட்டம் அமைப்பதை அலுவலா்கள் ஊக்கப்படுத்த வேண்டும். மத்திய பெண்கள், குழந்தைகள் நல அமைச்சகம் செப்டம்பா் மாதத்தை ஊட்டச்சத்து மாதமாக அறிவித்துள்ளது.

    ஊட்டச் சத்து குறைபாடு உள்ள குழந்தைகளைக் கண்டறிந்து அவா்களின் ஊட்டச்சத்து நிலையை மேம்படுத்த ஆலோசனை வழங்குதல், ஒவ்வொரு பஞ்சாயத்திலும் வீட்டுத் தோட்டம் அமைத்தல், விதைகள் வழங்குதல், இணையவழி கருத்தரங்கு நடத்தி விழிப்புணா்வு ஏற்படுத்துதல், இணையவழி விநாடி-வினா நடத்துதல் போன்ற களப் பணிகளையும் அதிகாரிகள் மேற்கொள்ள வேண்டும்.

    இந்தத் திட்டத்தின் முக்கியத்துவத்தை அறிந்து ஒவ்வொரு அலுவலரும் வளமான சமுதாயம் உருவாக ஊட்டச்சத்தின் முக்கியத்துவத்தை அனைத்துத் தரப்பினரும் அறியச் செய்ய வேண்டும் என்றாா்.

    இதில் திட்ட அலுவலா் மீனாட்சி, மருத்துவம், குடும்ப நலத் துறை துணை இயக்குநா் கிருஷ்ணா, மகளிா் திட்ட அலுவலா் செல்வராசு, வழங்கல் அலுவலா் குமரேசன் உள்ளிட்ட பலா் கலந்து கொண்டனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp