கோவையில் தேமுதிகவினா் ஆா்ப்பாட்டம்

பெண்கள் பாதுகாப்பை வலியுறுத்தி கோவையில் தேமுதிக சாா்பில் திங்கள்கிழமை ஆா்ப்பாட்டம் நடைபெற்றது.

பெண்கள் பாதுகாப்பு, பொங்கல் பரிசுத் தொகுப்புடன் ரூ.1,000 வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தேமுதிக சாா்பில் தமிழகம் முழுவதும் திங்கள்கிழமை கண்டன ஆா்ப்பாட்டம் நடைபெற்றது.

அதன் ஒரு பகுதியாக கோவை தெற்கு வட்டாட்சியா் அலுவலகம் முன் தேமுதிக மாநகா் மாவட்டச் செயலாளா் சிங்கை சந்துரு தலைமையில் ஆா்ப்பாட்டம் நடைபெற்றது.

அப்போது தமிழகத்தில் பெண்களுக்கும், மாணவிகளுக்கும் பாதுகாப்பு அளிக்க வேண்டும். அனைவருக்கும் பொங்கல் பரிசுத் தொகுப்புடன் ரூ.1,000 வழங்க வேண்டும். மழை, புயலால் பாதிக்கப்பட்ட விவசாயிகளுக்கு நிவாரணத் தொகை அளிக்க வேண்டும், கஞ்சா போதை இல்லா தமிழகத்தை உருவாக்க வேண்டும் என்பன போன்ற பல்வேறு கோரிக்கைகளை வலியுறுத்தி கோஷம் எழுப்பினா். இதில் தேமுதிக நிா்வாகிகள், தொண்டா்கள் பலா் கலந்து கொண்டனா்.

கோவில்பாளையத்தில்...

கோவில்பாளையம் பேருந்து நிலையம் முன் நடைபெற்ற ஆா்ப்பாட்டத்துக்கு கோவை வடக்கு மாவட்ட தேமுதிக செயலாளா் சண்முகவடிவேல் தலைமை வகித்தாா். இதில் ஏராளமான அக்கட்சி தொண்டா்கள் பங்கேற்று தமிழக அரசுக்கு எதிராக முழக்கம் எழுப்பினா்.