Enable Javscript for better performance
மரத்தில் கார் மோதி விபத்து: தம்பதி உயிரிழப்பு- Dinamani

சுடச்சுட

    

    கோவை அருகே மரத்தில் கார் மோதியதில் கணவர், மனைவி உயிரிழந்தனர்.
     கோவை, தடாகம் அருகே உள்ள சோமையனூர், வி.கே.வி நகரைச் சேர்ந்தவர் வீரபத்திரன் (58). பூ மார்க்கெட் பகுதியில் எலக்ட்ரிகல் கடை நடத்தி வந்தார். இவரது மனைவி புஷ்பா (52). இவர்களது மகன் பிரபாகரன் (35). 
     வீரபத்திரன் தனது மனைவியுடன் ரயில் நிலையம் அருகே உள்ள உறவினர் வீட்டு விசேஷத்தில் பங்கேற்றார். பின்னர் பிரபாகரன் தனது பெற்றோரை சோமையனூருக்கு காரில் சனிக்கிழமை இரவு அழைத்துச் சென்று கொண்டிருந்தார். காரை பிரபாகரன் ஓட்டினார்.
     இவர்களது கார் கோவை-ஆனைகட்டி சாலையில் உள்ள கணுவாய் அருகே சென்றபோது திடீரென நாய் ஒன்று குறுக்கே வந்ததாகக் கூறப்படுகிறது. நாய் மீது மோதாமல் இருக்க முயற்சித்தபோது, கட்டுப்பாட்டை இழந்த கார் அருகில் இருந்த மரத்தின் மீது மோதியது. இதில் வீரபத்திரன் சம்பவ இடத்திலேயே உயிரிழந்தார். பிரபாகரனும், புஷ்பாவும் பலத்த காயமடைந்தனர்.
     அங்கிருந்த பொதுமக்கள் அவர்களை மீட்டு கோவை அரசு மருத்துவமனைக்கு அனுப்பிவைத்தனர். இந்நிலையில் சிகிச்சை பலனின்றி புஷ்பா சனிக்கிழமை நள்ளிரவு உயிரிழந்தார். பிரபாகரன் தொடர்ந்து சிகிச்சை பெற்று வருகிறார். இச்சம்பவம் தொடர்பாக தடாகம் போலீஸார் வழக்குப் பதிந்து விசாரித்து வருகின்றனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai