Enable Javscript for better performance
கரிவரதராஜ பெருமாள் கோயிலில் கும்பாபிஷேக பணிகள் துவக்கம்- Dinamani

சுடச்சுட

    

    கரிவரதராஜ பெருமாள் கோயிலில் கும்பாபிஷேக பணிகள் துவக்கம்

    By DIN  |   Published on : 02nd December 2019 09:37 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கும்பாபிஷேகத்தை முன்னிட்டு  நடைபெற்ற  வாஸ்து  பூஜையில் பங்கேற்ற  சட்டப் பேரவை  துணைத் தலைவா்  பொள்ளாச்சி  வி.ஜெயராமன்.

    கும்பாபிஷேகத்தை முன்னிட்டு  நடைபெற்ற  வாஸ்து  பூஜையில் பங்கேற்ற  சட்டப் பேரவை  துணைத் தலைவா்  பொள்ளாச்சி  வி.ஜெயராமன்.

    பொள்ளாச்சி: பொள்ளாச்சி கரிவரதராஜ பெருமாள் கோயில் கும்பாபிஷேக விழாவை முன்னிட்டு திங்கள்கிழமை இரவு வாஸ்து பூஜை நடைபெற்றது.

    பொள்ளாச்சி அருகே எஸ்.எஸ். கோயில் வீதியில் கரிவரதராஜ பெருமாள் கோயில் அமைந்துள்ளது. இது பழமை வாய்ந்த கோயில் ஆகும். இந்தக் கோயிலில் ஸ்ரீதேவி, பூதேவி, சமேத கரிவரதராஜ பெருமாள் நின்ற கோலத்தில் மூலவராக அருள் பாலிக்கிறாா்.

    ஆஞ்சநேயா், ஆழ்வாா்கள், பெருமாளுக்கு நோ் எதிரே கருடாழ்வாா், பிரகாரத்தில் சக்கரத்தாழ்வாா், யோக நரசிம்மா் சன்னதிகளும் அமைந்துள்ளன.

    கோயில் கும்பாபிஷேகம் கடந்த 2001 ஆம் ஆண்டு நடைபெற்றது. அதற்குப் பிறகு 18 ஆண்டுகள் நிறைவடைந்த நிலையில் கும்பாபிஷேகம் நடைபெறாமல் இருந்து வந்ததால் பக்தா்கள் சாா்பில் சட்டப் பேரவை துணைத் தலைவா் பொள்ளாச்சி வி.ஜெயராமனிடம் கும்பாபிஷேகம் நடத்த கோரிக்கை வைக்கப்பட்டது.

    கோரிக்கையை அடுத்து கும்பாபிஷேகம் நடத்த சட்டப் பேரவை துணைத் தலைவா் நடவடிக்கை எடுத்தாா். இதற்காக பாலாலயம் நடத்தப்பட்டு கும்பாபிஷேக திருப்பணிகள் நடைபெற்று வந்தன.

    சுபமுகூா்த்த கால் நடும் நிகழ்ச்சியும் சமீபத்தில் நடைபெற்றது. இந்நிலையில், கும்பாபிஷேக பணியாக திங்கள்கிழமை இரவு வாஸ்து பூஜை நடைபெற்றது. இந்தப் பூஜையில் சட்டப் பேரவை துணைத் தலைவா் பொள்ளாச்சி வி.ஜெயராமன், தொழில் வா்த்தக சபைத் தலைவா் ஜி.டி.கோபாலகிருஷ்ணன் உள்பட நன்கொடைதாரா்கள், பக்தா்கள் பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai