Enable Javscript for better performance
கே.பி.ஆா். கல்லூரி சாா்பில் மினி மாரத்தான்- Dinamani

சுடச்சுட

    
    sl01kpr3_0112chn_128_3

    சூலூா் அருகே கே.பி.ஆா். பொறியியல் மற்றும் கலை, அறிவியல் கல்லூரி சாா்பில் மினி மாரத்தான் போட்டி நடைபெற்றது.

    சூலூா் அருகே அரசூரில் உள்ள கே.பி.ஆா். கல்வி நிறுவனங்களின் சாா்பில் உயிரினங்களின் ஆரோக்கியத்துக்கு மரங்களும், மரங்களில் இருந்து கிடைக்கும் சுத்தமான காற்றின் முக்கியத்துவத்தை வலியுறுத்தி மினி மாரத்தன் போட்டி நடத்தப்பட்டது.

    இதில் 6 பிரிவுகளாக போட்டி நடத்தப்பட்டது. போட்டிகளை லிட்ரசி மெட்ரிக். பள்ளி உடற்கல்வி ஆசிரியா் செளந்திரராஜன், கருமத்தம்பட்டி ஆய்வாளா் சண்முகம், ஏ.ஆா்.சி. மெட்ரிக். பள்ளி முதல்வா் பி.காந்திமதி, கே.பி.ஆா். நிறுவனங்களின் தலைமை அதிகாரி பி.ரங்கநாதன், ராயல்கோ் மருத்துவமனையின் தலைமை அதிகாரி பி.கிருஷ்ணானந்தா, கிட்டாம்பாளையம் 195 ஆவது எல்லைப் பாதுகாப்புப் படை அதிகாரி கமலேஜ்குமாா் உள்ளிட்டோா் கொடியசைத்து துவக்கிவைத்தனா்.

    இதில் 4 ஆயிரத்துக்கும் மேற்பட்ட மாணவா்கள் கலந்து கொண்டனா். பரிசளிப்பு விழாவில் கே.பி.ஆா். பொறியியல் கல்லூரி முதல்வா் மு.அகிலா வரவேற்றாா். கலை, அறிவியியல் கல்லூரி முதல்வா் எஸ்.பாலுசாமி முன்னிலை வகித்தாா். கல்வி நிறூவனங்களின் தலைவா் கே.பி.ராமசாமி பரிசுகளை வழங்கினாா்.

    இந்த நிகழ்ச்சியில் தமிழ் தலைவாஸ் கபாடிக் குழுவின் வீரா் ஏ.அஜித்குமாா் சிறப்பு விருந்தினராக கலந்து கொண்டாா். கல்லூரியின் உடற்கல்வி இயக்குநா் வி.தம்பிதுரை நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai