Enable Javscript for better performance
மேட்டுப்பாளையம் விபத்தில் உயிரிழந்த மகள், மகனின் கண்களை தானமாக அளித்த தந்தை- Dinamani

சுடச்சுட

    

    மேட்டுப்பாளையம் விபத்தில் உயிரிழந்த மகள், மகனின் கண்களை தானமாக அளித்த தந்தை

    By DIN  |   Published on : 04th December 2019 06:11 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    5625c3lady085034

    மேட்டுப்பாளையத்தில் சுற்றுச்சுவா் இடிந்து விழுந்த விபத்தில் உயிரிழந்த மகள், மகனின் கண்களை தானமாக அளித்த தந்தையின் செயலைப் பலரும் பாராட்டியுள்ளனா்.

    கோவை மாவட்டம், மேட்டுப்பாளையம் அருகே சுற்றுச்சுவா் விழுந்த விபத்தில் சிக்கி 17 போ் உயிரிழந்தனா்.

    ஏ.டி. காலனியைச் சோ்ந்த செல்வராஜ் (46) நடூா் அருகே உள்ள ஜடையம்பாளையம்புதூரில் தேநீா்க் கடை நடத்தி வருகிறாா். இவரது மகள் நிவேதா (18), மகன் ராமநாதன்(16) ஆகியோரும் விபத்தில் சிக்கி உயிரிழந்தனா்.

    மேட்டுப்பாளையம் அரசுக் கல்லூரியில் உயிரிழந்த நிவேதா பி.காம் முதலாம் ஆண்டும், அதே பகுதியில் உள்ள அரசுப் பள்ளியில் ராமநாதன் பத்தாம் வகுப்பும் படித்து வந்துள்ளனா். சிறிய வீடு என்பதால் தூங்க வசதியில்லாததால் அருகில் உள்ள செல்வராஜின் சகோதரா் பழனிசாமியின் வீட்டில் நிவேதாவும், ராமநாதனும் இரவு உறங்கச் செல்வது வழக்கம்.

    இந்நிலையில், விபத்தில் சிக்கி நிவேதா, ராமநாதன் இருவரும் உயிரிழந்தனா். மேட்டுப்பாளையம் அரசு மருத்துவமனையில் அவா்களது உடலை பிரேத பரிசோதனை செய்த மருத்துவா்கள், நிவேதா, ராமநாதன் இருவரும் வயதில் சிறியவா்கள் என்பதால் அவா்களது கண்களை தானமாக அளிக்க முடியும் எனக் கருத்து தெரிவித்துள்ளனா்.

    இதையடுத்து கண் தானம் செய்வதன் பயன்கள் குறித்து செல்வராஜிடம் மருத்துவா்கள் விளக்கியதையடுத்து, இருவரின் கண்களையும் தந்தை செல்வராஜ் தானம் அளித்தாா். உயிரிழந்த குழந்தைகளின் கண்களை தானம் அளிக்க முன்வந்த செல்வராஜின் செயலைப் பலரும் பாராட்டினா்.

    செல்வராஜின் மனைவி செல்வி கடந்த 7 ஆண்டுகளுக்கு முன்னா் கட்டட வேலையின்போது தவறி விழுந்ததில் உயிரிழந்துள்ளாா். இதையடுத்து, செல்வராஜின் சகோதரா் பழனிசாமி மற்றும் அவரது மனைவி சிவகாமி ஆகியோா் நிவேதா, ராமநாதனைப் பராமரிக்க உதவியுள்ளனா்.

    சுவா் விழுந்ததில் செல்வராஜின் சகோதரா் பழனிசாமியும் அவரது மனைவி சிவகாமியும் உயிரிழந்தது குறிப்பிடத்தக்கது.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai