கோவையில் பள்ளி மாணவியைப் பாலியல் வன்கொடுமை செய்த வழக்கில் கோவை நீதிமன்றத்தில் முக்கிய எதிரி செவ்வாய்க்கிழமை சரணடைந்தாா்.
கோவை, சீரநாயக்கன்பாளையம் பகுதியில் உள்ள ஒரு தனியாா் பள்ளியில் பிளஸ் 1 படித்து வந்த மாணவி ஒருவா் வெள்ளிக்கிழமை மாலை அப்பகுதியில் உள்ள பூங்கா ஒன்றில் தனது ஆண் நண்பா் ஒருவருடன் அமா்ந்து பேசிக் கொண்டிருந்தாா்.
அப்போது, அங்கு வந்த 6 போ் அவா்களை மிரட்டி மாணவியுடன் வந்தவரைத் தாக்கி மாணவியைப் பாலியல் வன்கொடுமை செய்து விட்டு தப்பிச் சென்றனா். இது தொடா்பாக, மாணவியின் பெற்றோா் அளித்த புகாரின் பேரில் ஆா்.எஸ்.புரம் அனைத்து மகளிா் காவல் நிலைய போலீஸாா் வழக்குப் பதிவு செய்து 6 பேரைத் தேடி வந்தனா்.
இதையடுத்து, சம்பவத்தில் தொடா்புடைய சீரநாயக்கன்பாளையத்தைச் சோ்ந்த ராகுல் (21), பிரகாஷ் (23), காா்த்திகேயன் (28), நாராயணமூா்த்தி (30) ஆகிய 4 பேரை போலீஸாா் சனிக்கிழமை கைது செய்தனா்.
இந்த வழக்கில் தலைமறைவாக இருந்த முக்கிய எதிரியான மணிகண்டன் மற்றும் காா்த்திக் (எ) பப்ஸ் காா்த்திக் ஆகியோரை போலீஸாா் தேடி வந்தனா். இந்நிலையில், கோவை மகிளா நீதிமன்றத்தில் மணிகண்டன் செவ்வாய்க்கிழமை சரணடைந்தாா்.
மணிகண்டனை டிசம்பா் 17 ஆம் தேதி வரை நீதிமன்றக் காவலில் வைக்க நீதிபதி ராதிகா உத்தரவிட்டாா். இதையடுத்து, அவரை போலீஸாா் மத்திய சிறையில் அடைத்தனா். தலைமறைவாக உள்ள காா்த்திக் (எ) பப்ஸ் காா்த்திக்கை போலீஸாா் தேடி வருகின்றனா்.