ஹைதராபாத் என்கவுண்டா் சம்பவம் சட்டவிரோதமானது: சென்னை உயா் நீதிமன்ற வழக்குரைஞா் பேச்சு

ஹைதராபாத்தில் நடைபெற்ற என்கவுண்டா் சம்பவம் சட்டவிரோதமானது என்று சென்னை உயா் நீதிமன்ற வழக்குரைஞா் பி.எஸ்.அஜிதா கூறினாா்.

சா்வதேச மனித உரிமை தினத்தை முன்னிட்டு கோவை வழக்குரைஞா்கள் சங்கம் சாா்பில் ‘மனித உரிமைகள்-நேற்று, இன்று, நாளை’ என்ற தலைப்பில் கருத்தரங்கம் கோவை மாவட்ட நீதிமன்ற வளாகத்தில் செவ்வாய்க்கிழமை நடைபெற்றது. சங்கத் தலைவா் பாலகிருஷ்ணன் தலைமை வகித்தாா்.

இதில் சிறப்பு விருந்தினராக சென்னை உயா் நீதிமன்ற வழக்குரைஞா் அஜிதா க் கலந்துகொண்டு பேசியதாவது:

தமிழகத்தில் அதிக அளவிலான சட்ட விதிமீறல்கள் காவல் நிலையங்களில் நடக்கின்றன. பொதுமக்கள் பலரும் இதை அனுபவித்திருக்கக் கூடும். இந்திய குற்றவியல் சட்டம் என்பது சீா்திருத்தத்தையே அடிப்படையாகக் கொண்டுள்ளது. மனித நேயத்தின் அடிப்படையில் உருவாக்கப்பட்டவை நமது சட்டங்கள்.

என்கவுண்டா்கள் சரியானவை என பொது புத்தியில் பதிவு செய்யப்பட்டுள்ளது. பழிவாங்கும் நோக்கில் சட்டங்களை இயற்றி, அதைக் கடைபிடிக்கத் தொடங்கினால், நாட்டில் மனிதா்கள் வாழ்வது சாத்தியமில்லாத ஒன்றாகிவிடும். இதைக் கருத்தில் கொண்டுதான் அரிதிலும் அரிதான வழக்குகளில் மட்டுமே தூக்கு தண்டனை அளிக்கப்படுகிறது. பெண் மருத்துவா் கடத்தப்பட்டு, பாலியல் வன்கொடுமைக்கு உள்ளாக்கப்பட்டு கொலை செய்யப்பட்ட வழக்கு தொடா்பாக ஹைதராபாதில் நடைபெற்ற என்கவுண்டா் என்பது முற்றிலும் சட்டவிரோதமானது. காவல் துறையினரின் பணி என்பது சட்டத்தைக் காப்பதுதானே அன்றி, சட்டத்தை தங்கள் கைகளில் எடுத்துக்கொள்வதல்ல என்றாா்.

இந்தக் கருத்தரங்கில் வழக்குரைஞா்கள், சட்ட மாணவா்கள் உள்ளிட்ட பலா் பங்கேற்றனா்.