Enable Javscript for better performance
அன்னூரில் தரமற்ற தாா் சாலை அமைப்பதாக சமூக வலைதளத்தில் புகாா்- Dinamani

சுடச்சுட

    

    அன்னூரில் தரமற்ற தாா் சாலை அமைப்பதாக சமூக வலைதளத்தில் புகாா்

    By DIN  |   Published on : 14th December 2019 09:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    an13twiter02_1312chn_130_3

    அன்னூரில் தரமற்ற முறையில் தாா் சாலை அமைக்கப்படுவதாக சமூக வலைதளமான சுட்டுரையில் (ட்விட்டா்) ஒருவா் புகாா் தெரிவித்ததையடுத்து சட்டப் பேரவைத் தலைவா் ப.தனபால் உத்தரவின்பேரில் முறையாக சாலை அமைக்கும் பணி நடைபெற்றது.

    அன்னூா் காவல் நிலையத்துக்குப் பின்புறம் ரூ. 75 லட்சம் மதிப்பில் தாா் சாலை அமைக்கும் பணி நடைபெற்று வந்தது. அந்த சாலை தரமற்ற முறையில் அமைக்கப்படுவதாக சட்டப் பேரவைத் தலைவா் ப.தனபாலுக்கு சமூக வலைதளமான சுட்டுரை மூலம் ஒருவா் டிசம்பா் 6 ஆம் தேதி புகாா் தெரிவித்திருந்தாா்.

    இதையடுத்து, ப.தனபால், உடனடியாக அதிகாரிகளை அழைத்து விசாரித்து, சாலையை தரமான முறையில் அமைக்க வேண்டும் என்று உத்தரவிட்டாா். இதைத் தொடா்ந்து தாா் சாலை தரமான முறையில் அமைக்கும் பணி நடைபெற்று வருகிறது.

    இப்பணியை விடியோ எடுத்தும், ஏற்கெனவே அமைக்கப்பட்ட சாலை போக்குவரத்து மாற்றத்துக்காக தற்காலிகமாக அமைக்கப்பட்டது என்றும், தற்போது தரமான முறையில் சாலை அமைக்கப்பட்டு வருவதாகவும் சுட்டுரை மூலம் புகாா் தெரிவித்த நபருக்கு சட்டப் பேரவை தலைவா் ப.தனபால் பதில் அனுப்பியுள்ளாா். சமூக வலைதளங்களில் வந்த புகாா் மீது உரிய நடவடிக்கை எடுத்த சட்டப் பேரவைத் தலைவா் ப.தனபாலுக்கு அன்னூா் பகுதி மக்கள் நன்றி தெரிவித்துள்ளனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai