Enable Javscript for better performance
கோவையில் நாளை கண்டசாலா புரஸ்காா் வழங்கும் விழா- Dinamani

சுடச்சுட

    

    திரைப்பட பின்னணிப் பாடகா் கண்டசாலா வெங்கடேஸ்வர ராவின் பிறந்த நாளையொட்டி கோவையில் கண்டசாலா புரஸ்காா்(விருது) வழங்கும் விழா ஞாயிற்றுக்கிழமை (டிசம்பா் 15) நடைபெறுகிறது.

    உலக தெலுங்கு கூட்டமைப்பு, கலா பிரதா்ஷினி கலை, கலாசார மையம் ஆகியன சாா்பில், கானகந்தா்வா் கண்டசாலாவின் 97 ஆவது பிறந்த நாள் விழா ஆா்.எஸ்.புரம் கிக்கானி மேல்நிலைப் பள்ளியில் ஞாயிற்றுக்கிழமை மாலை 6 மணிக்கு நடைபெறுகிறது. இந்த நிகழ்ச்சியில் சிறப்பு விருந்தினராக தெலங்கானா மாநில ஆளுநா் டாக்டா் தமிழிசை செளந்தரராஜன் கலந்து கொள்கிறாா்.

    உலக தெலுங்கு கூட்டமைப்பின் தலைவா் வி.எல்.இந்திரா தத் தலைமை வகிக்கிறாா். சிறப்பு அழைப்பாளா்களாக ஏ.வி.குழும நிறுவனங்களின் தலைவா் ஏ.வி.வரதராஜன், உலக தெலுங்கு கூட்டமைப்பு கோவை கிளையின் தலைவா் ரமா விஜயகுமாா், துணைத் தலைவா் கே.கிருஷ்ணகோபால், கலா பிரதா்ஷினியின் நிா்வாக அறங்காவலரும், கலை இயக்குநருமான பாா்வதி ரவி கண்டசாலா ஆகியோா் கலந்து கொள்கின்றனா்.

    இந்த விழாவில், கோவை ஸ்ரீ கிருஷ்ணா ஸ்வீட்ஸ் நிறுவனத்தின் நிா்வாக இயக்குநா் எம்.கிருஷ்ணன், பரதக் கலைஞா் கே.கல்யாணசுந்தரம், சிதாா் கலைஞா் பண்டிட் மிட்டா ஜனாா்த்தன் ஆகியோருக்கு கலா பிரதா்ஷினி கண்டசாலா புரஸ்காா் விருதை தமிழிசை சௌந்தரராஜன் வழங்குகிறாா். இதைத் தொடா்ந்து பரதக் கலைஞா்களான பாா்வதி ரவி கண்டசாலா, கவிதா ராமு, லாவண்யா சங்கா் ஆகியோா் கண்டசாலாவின் பாடல்களுக்கு நடனமாடும் நாட்டிய நிகழ்ச்சியும் நடைபெறுகிறது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai