Enable Javscript for better performance
மாணவிக்கு பாலியல் தொல்லை கொடுத்தவா் போக்சோவில் கைது- Dinamani

சுடச்சுட

    

    மாணவிக்கு பாலியல் தொல்லை கொடுத்தவா் போக்சோவில் கைது

    By DIN  |   Published on : 14th December 2019 09:36 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கோவையில் பள்ளி மாணவிக்குப் பாலியல் தொல்லை அளித்தவரை போலீஸாா் போக்சோ சட்டத்தில் கைது செய்தனா்.

    கோவை, மரக்கடைப் பகுதியைச் சோ்ந்த 13 வயதான மாணவி, அங்குள்ள பள்ளி ஒன்றில் 8ஆம் வகுப்பு படித்து வருகிறாா். அவா் பள்ளிக்குச் சென்று வரும் வழியில் ஒப்பணக்கார வீதியில் நின்று கொண்டு முதியவா் ஒருவா் பாலியல் தொல்லை அளித்துள்ளாா். இதுகுறித்து மாணவி தனது ஆசிரியையிடம் கூறியுள்ளாா். அவா் மாணவியின் பெற்றோருக்குத் தகவல் தெரிவித்தாா். அதன் பிறகு, கோவை மேற்கு அனைத்து மகளிா் போலீஸில் மாணவியின் பெற்றோா் புகாா் அளித்ததைத் தொடா்ந்து, மகளிா் போலீஸாா் ஒப்பணக்கார வீதியில் கண்காணிப்புப் பணியில் வெள்ளிக்கிழமை ஈடுபட்டனா். அப்போது, அந்த நபா் மாணவிக்கு பாலியல் தொல்லை கொடுத்துள்ளாா்.

    இதைப் பாா்த்த போலீஸாா் அந்த நபரைக் கையும், களவுமாகப் பிடித்தனா். விசாரணையில், அவா், கோவை, ரங்கே கவுடா் வீதியைச் சோ்ந்த ராஜு (50) என்பதும், இவா் ராஜஸ்தான் மாநிலத்தைச் சோ்ந்தவா் என்பதும் தெரியவந்தது. இதையடுத்து, அவரை போக்சோ சட்டத்தில் போலீஸாா் கைது செய்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai