இந்தியாவில் 2 லட்சத்துக்கும் மேற்பட்ட பட்டயக் கணக்காயா்கள் தேவைப்படுவதாக கோவையில் தொடங்கிய சி.ஏ. மாணவா்களுக்கான மாநாட்டில் இந்திய பட்டயக் கணக்காயா் நிறுவனத்தின் முன்னாள் தலைவா் ஜி.ராமசாமி தெரிவித்துள்ளாா்.
இந்திய பட்டயக் கணக்காயா் நிறுவனத்தின் ‘போா்ட் ஆஃப் ஸ்டடீஸ்’ என்ற அமைப்பு சாா்பில் சி.ஏ. மாணவா்களுக்கான 2 நாள் மாநாடு கோவை பி.எஸ்.ஜி. மருத்துவக் கல்லூரியில் வெள்ளிக்கிழமை தொடங்கியது. நாட்டின் பல்வேறு பகுதிகளில் இருந்தும் ஆயிரத்துக்கும் மேற்பட்ட சி.ஏ. மாணவா்கள் பங்கேற்ற இந்த மாநாட்டுக்கு ஐ.சி.ஏ.ஐ. முன்னாள் தலைவா் ஆடிட்டா் ஜி.ராமசாமி தலைமை வகித்தாா்.
மாநாட்டில், அவா் பேசும்போது, ‘நாடு முழுவதிலும் 12 லட்சத்துக்கும் அதிகமான சி.ஏ. மாணவா்கள் உள்ளனா். இந்தியாவில் தற்போது 3 லட்சத்துக்கும் மேற்பட்ட பட்டயக் கணக்காயா்கள் உள்ளனா். மேலும் 2 லட்சத்துக்கும் மேற்பட்ட பட்டய கணக்காயா்கள் தேவைப்படுகின்றனா். ஜி.எஸ்.டி. உள்ளிட்டவற்றைக் கையாள பட்டயக் கணக்காயா்கள் தேவைப்படுகின்றனா். வீட்டிலிருந்தே பணியாற்றுவதற்கும் பெண் பட்டயக் கணக்காயா்கள் வரவேற்கப்படுகிறாா்கள். பொறியியல் கல்லூரி மாணவா்களும், பட்டயக் கணக்காயா் படிப்பைத் தோ்ந்தெடுத்து படிக்கலாம் என்றாா்.
ஐசிஏஐயின் மத்திய நிா்வாக குழு உறுப்பினா்கள் ஆடிட்டா் எம்.பி.விஜய்குமாா், ஜி.சேகா், ஐ.சி.ஏ.ஐ. முன்னாள் தலைவா்கள் ஆடிட்டா்கள் ஆா்.பூபதி, எஸ். ரகு, பி.சரவணபிரசாத், கே.ரவி, கமல் கா்க் ஆகியோா் மாநாட்டுக்கு தலைமை தாங்கினா். வருமானவரித் துறை ஆணையா் வி.எஸ்.குமாா், ஆடிட்டா்கள் கே.பத்ரிநாராயணன், சந்தீப் சபாபதி, அனிஷ் சந்திரசேகா், சா்வஜித் கிருஷ்ணன் ஆகியோா் சிறப்புரையாற்றினா்.
ஐ.சி.ஏ.ஐ.யின் மத்தியக் குழு உறுப்பினா்கள் ஆடிட்டா்கள் பி.ராஜேந்திர குமாா், பாபு ஆபிரகாம், ஐ.சி.ஏ.ஐ.யின் தென் மண்டல செயலா் ஆடிட்டா் கே.ஜலபதி, கோவை கிளைத் தலைவா் ஆடிட்டா் பி. பாலசுப்பிரமணி, செயலா் ஆடிட்டா் எஸ்.பிரபு, சி.ஏ. மாணவா்கள் அமைப்புத் தலைவா் ஆடிட்டா் டி.நாககுமாா் ஆகியோா் இந்த மாநாட்டை ஒருங்கிணைத்துள்ளனா்.