Enable Javscript for better performance
அரசு போக்குவரத்துக் கழக அதிகாரிகள் இடமாற்றம்- Dinamani



    அரசு போக்குவரத்துக் கழக அதிகாரிகள் இடமாற்றம்

    By DIN  |   Published on : 01st June 2019 08:53 AM  |   அ+அ அ-   |    |  

    அரசுப் போக்குவரத்துக் கழகத்தின் கோவை கோட்ட அதிகாரிகள் பணியிட மாற்றம் செய்யப்பட்டுள்ளனர்.
    தமிழ்நாடு அரசுப் போக்குவரத்துக் கழகத்தில் மேலாண் இயக்குநர், பொதுமேலாளர் உள்ளிட்ட பல்வேறு பணி நிலைகளில் பணியாற்றி வந்த 16 அதிகாரிகள் பணியிட மாற்றம் செய்யப்பட்டுள்ளனர். அதன்படி, சென்னை பெருநகரப் போக்குவரத்துக் கழகத்தில்  பொதுமேலாளராகப் பணிபுரிந்து வந்த அன்பு ஆபிரகாம், பதவி உயர்வு பெற்று கோவை கோட்ட  மேலாண் இயக்குநராகப் பணியிட மாற்றம் செய்யப்பட்டுள்ளார்.
    முன்னதாக கோவை கோட்டத்துக்குள்பட்ட திருப்பூர் மண்டல பொது மேலாளராகவும், கோவை கோட்ட மேலாண் இயக்குநராகவும் (கூடுதல் பொறுப்பு) பணியாற்றி வந்த ஆர்.முத்துகிருஷ்ணன், விழுப்புரம் கோட்ட மேலாண் இயக்குநராகப் பதவி உயர்வு பெற்றுச் செல்வதை அடுத்து இந்த இடத்துக்கு அன்பு ஆபிரகாம் நியமிக்கப்பட்டுள்ளார்.
    அதேபோல் ஈரோடு மண்டலப் பொது மேலாளராகப் பணியாற்றி வந்த கே.சேனாதிபதி, சேலம் கோட்ட மேலாண் இயக்குநராகப் பதவி உயர்வு பெற்று செல்கிறார். அரசுப் போக்குவரத்துக் கழகத்தின் கோவை கோட்ட  முதுநிலை உதவி மேலாளராகப் பணியாற்றி வந்த இ.கோவிந்தராஜ், மேலாளராகப் பதவி உயர்வு பெற்று கும்மிடிப்பூண்டி சாலைப் போக்குவரத்து நிறுவனத்தின் கூடுதல் இயக்குநராகப் பொறுப்பேற்கிறார். 
    அதேபோல், மதுரை கோட்டத்துக்குள்பட்ட விருதுநகர் மண்டலப் பொது மேலாளராகப் பணியாற்றி வந்த கே.எஸ்.மகேந்திரகுமார், கோவை போக்குவரத்துக் கழக பொது மேலாளராக நியமிக்கப்பட்டுள்ளார்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp