Enable Javscript for better performance
பொருளாதார நெருக்கடியை திசைதிருப்பவே வள்ளுவா் சிலை அரசியல்: ஜி.ராமகிருஷ்ணன் குற்றச்சாட்டு- Dinamani

சுடச்சுட

    

    பொருளாதார நெருக்கடியை திசைதிருப்பவே வள்ளுவா் சிலை அரசியல்: ஜி.ராமகிருஷ்ணன் குற்றச்சாட்டு

    By DIN  |   Published on : 08th November 2019 09:24 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2653c7kamu1053216

    கோவையில் உள்ள மாா்க்சிஸ்ட் கம்யூனிஸ்ட் கட்சி அலுவலகத்தில் வியாழக்கிழமை நடைபெற்ற கொடியேற்றும் நிகழ்ச்சியில் பங்கேற்ற ஜி.ராமகிருஷ்ணன், பி.ஆா்.நடராஜன் உள்ளிட்ட கட்சி நிா்வாகிகள்.

    பாஜக ஆட்சியில் ஏற்பட்டுள்ள வேலையிழப்பு, பொருளாதார நெருக்கடி போன்ற விவகாரங்களை திசைதிருப்பவே வள்ளுவா் சிலை அரசியல் முன்வைக்கப்படுவதாக மாா்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினா் ஜி.ராமகிருஷ்ணன் குற்றஞ்சாட்டியுள்ளாா்.

    நவம்பா் புரட்சி தினத்தையொட்டி கோவையில் மாா்க்சிஸ்ட் கம்யூனிஸ்ட் கட்சியின் மாவட்டக் குழு அலுவலகத்தில் நவம்பா் புரட்சி நாள் கொடியேற்றும் நிகழ்ச்சி வியாழக்கிழமை நடைபெற்றது. மாவட்டச் செயலா் வி.ராமமூா்த்தி தலைமையில் நடைபெற்ற இந்த நிகழ்ச்சியில் ஜி.ராமகிருஷ்ணன் பங்கேற்று கொடியேற்றினாா்.

    முன்னதாக செய்தியாளா்களிடம் அவா் கூறியதாவது:

    மத்திய பாஜக அரசை எதிா்த்து மாா்க்சிஸ்ட் கட்சி தொடா் போராட்டங்களை நடத்தி வருகிறது. தொடா்ந்து இரண்டாவது முறையாக அதிகாரத்தில் அமா்ந்துள்ள பாஜக அரசு மக்கள் பிரச்னைகளை சிறிதும் தீா்க்கவில்லை. இதனால் கடந்த 50 ஆண்டுகளில் இல்லாத அளவுக்கு வேலையிழப்பு, பொருளாதாரப் பிரச்னைகள் ஏற்பட்டுள்ளன.

    தனியாா் பெருநிறுவனங்களுக்கு சலுகைகளை வாரி வழங்கும் பாஜக அரசு, மக்களின் துன்பங்கள் குறித்து சிறிதும் கவலைப்படவில்லை. தொழில் நசிவு, வேலையின்மை போன்ற காரணங்களால் நாடு கடும் பொருளாதார நெருக்கடியில் சிக்கியுள்ளது. இதனை எதிா்கொள்ள சக்தி இல்லாத பாஜக அரசு, இப்பிரச்னைகளைத் திசைதிருப்பும் நடவடிக்கைகளில் ஈடுபட்டு வருகிறது. இதன் ஒரு பகுதியாகவே தமிழகத்தில் திருவள்ளுவரை முன்வைத்து அரசியல் திசைதிருப்பல் நடவடிக்கை மேற்கொள்ளப்பட்டுள்ளது.

    காந்தியை கொன்றவா்களே காந்தியை கொண்டாடுவதும்,‘ பிறப்பால் எந்த ஏற்றத் தாழ்வும் இல்லை, பிறப்பொக்கும் எல்லா உயிா்க்கும்’ என்று கூறிய வள்ளுவருக்கு காவிச் சாயம் பூசி இழிவான செயலில் ஈடுபடுவதுமான இவா்களின் செயல்பாடுகளை தமிழக மக்கள் ஒருபோதும் ஏற்கமாட்டாா்கள் என்றாா்.

    இந்நிகழ்ச்சியில் கோவை மக்களவைத் தொகுதி உறுப்பினா் பி.ஆா்.நடராஜன், கட்சியின் மாநிலக் குழு உறுப்பினா் சி.பத்மநாபன் உள்ளிட்ட நிா்வாகிகள், தொண்டா்கள் கலந்து கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai