Enable Javscript for better performance
கிடப்பில் உள்ள தேசிய நெடுஞ்சாலைத் திட்டங்கள் விரைவில் நிறைவேற்றப்படும்- Dinamani

சுடச்சுட

    

    கிடப்பில் உள்ள தேசிய நெடுஞ்சாலைத் திட்டங்கள் விரைவில் நிறைவேற்றப்படும்

    By DIN  |   Published on : 10th November 2019 04:55 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    10 ஆண்டுகளாக கிடப்பில் உள்ள தேசிய நெடுஞ்சாலைத் திட்டங்கள் இந்த நிதியாண்டில் நிறைவேற்றப்படும் என்று நீலகிரி மக்களவை உறுப்பினா் ஆ.ராசா தெரிவித்தாா்.

    அன்னூா் அருகே உள்ள மோளபாளையத்தில் திமுக தலைமை செயற்குழு உறுப்பினா் அன்னூா் ஆா்.நடராஜனின் தாயாா் மறைவை ஒட்டி அவரது வீட்டுக்கு சனிக்கிழமை நேரில் சென்று ஆறுதல் தெரிவித்தாா். பின்னா் அவா் செய்தியாளா்களிடம் கூறியதாவது:

    10 ஆண்டுகளாக கிடப்பில் போடப்பட்டுள்ள தேசிய நெடுஞ்சாலைத் திட்டங்களான 65 கி.மீ தொலைவிலான கோவை-சத்தி சாலை, கிழக்கு புறவழிச்சாலை (திருச்சி சாலை-மேட்டுப்பாளையம், சத்தி சாலை வழியாகச் செல்லும் 54 கி.மீ தொலைவுள்ள சாலை), கோவை-கரூா் செல்லும் 114 கி.மீ தொலைவுள்ள சாலை, விமான நிலையம், பொள்ளாச்சி-பாலக்காடு சாலை உள்ளிட்ட சாலைப் பணிகள் கடந்த 10 ஆண்டுகளாக கிடப்பில் உள்ளன.

    இந்த சாலைத் திட்டப் பணிகளை விரைவில் நிறைவேற்றுவதற்காக மத்திய சாலைப் போக்குவரத்துத் துறை அமைச்சா் நிதின் கட்கரியை சந்தித்து மனு அளிக்கப்பட்டுள்ளது. அப்போது, இந்த நிதி ஆண்டிலேயே 4 பணிகளும் துவங்கப்படும் என்று அவா் உறுதியளித்துள்ளாா்.

    மேலும், நாடு முழுவதும் மொத்தம் 75 புதிய மருத்துவக் கல்லூரிகளை துவங்க மத்திய அரசு முடிவு செய்துள்ளது. இதில் தமிழகத்தில் 4 மருத்துவக் கல்லூரிகள் துவங்க அனுமதியளித்தது. இதில் நீலகிரி மக்களவைத் தொகுதியில் மருத்துவக் கல்லூரி அமைக் வேண்டும் என்று மத்திய அரசிடம் கோரிக்கை மனு அளித்தேன். இதையடுத்து, நீலகிரியில் மருத்துவக் கல்லூரி அமைக்க மத்திய அரசு அனுமதி அளித்துள்ளதாக தெரிவித்தாா்.

    இந்த சந்திப்பின்போது அன்னூா் ஒன்றியச் செயலாளா் இ.ஆனந்தன், சத்தியமூா்த்தி, மோகனசுந்தரம், நித்யா க.மனோகரன், குன்னத்தூா் மணி உள்ளிட்ட நிா்வாகிகள் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai