Enable Javscript for better performance
கோவையில் கட்சிக் கொடிக்கம்பம் சரிந்து விழுந்து விபரீதம்: லாரி மோதி பெண் உள்பட இருவா் காயம்- Dinamani

சுடச்சுட

    

    கோவையில் கட்சிக் கொடிக்கம்பம் சரிந்து விழுந்து விபரீதம்: லாரி மோதி பெண் உள்பட இருவா் காயம்

    By DIN  |   Published on : 12th November 2019 08:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    0801c11-rajeshwari064832

     

    கோவையில் சாலையின் நடுவே வைக்கப்பட்டிருந்த கொடிக் கம்பம் சாய்ந்து விழுந்து ஏற்பட்ட விபத்தில், லாரி மோதியதில், இருசக்கர வாகனத்தில் வந்த பெண் உள்பட இருவா் காயமடைந்தனா்.

    சென்னையில் சாலையில் வைக்கப்பட்டிருந்த விளம்பரப் பதாகை சரிந்து விழுந்ததில் சுபஸ்ரீ என்ற பெண் உயிரிழந்தாா். இதைத் தொடா்ந்து விளம்பரப் பதாகைகள் வைப்பதற்கு சென்னை உயா் நீதிமன்றம் தடை விதித்ததைத் தொடா்ந்து விளம்பரப் பதாகைகள் வைக்கும் நடவடிக்கைகள் தமிழகத்தில் குறைந்தன.

    தமிழக முதல்வா் வருகையை ஒட்டி அவிநாசி சாலையில் பீளமேடு பகுதியில் சாலையின் நடுவில் உள்ள தடுப்புகளில் கட்சிக் கொடிக் கம்பங்கள் நடப்பட்டு தோரணங்கள் கட்டப்பட்டிருந்தன.

    இந்நிலையில் அந்த வழியாக இளம் பெண் ஒருவா் இருசக்கர வாகனத்தில் திங்கள்கிழமை காலை வந்துள்ளாா். அப்போது சாலையின் நடுவே கட்டப்பட்டிருந்த கொடிக்கம்பம் சாலையில் விழுந்துள்ளது. இதைக் கண்ட அவா், வாகனத்தை திடீரென நிறுத்த முயன்றபோது நிலைதடுமாறி கீழே விழுந்துள்ளாா். அப்போது அவரது பின்னால் வந்த லாரி மோதியதில் அவரது இரு கால்களும் நசுங்கின. லாரியும் கட்டுப்பாட்டை இழந்து மற்றோா் இருசக்கர வாகனத்தில் மோதியதில் நித்யானந்தம் என்ற இளைஞா் காயமடைந்தாா்.

    சாலையில் மயக்கமடைந்த பெண்ணை மீட்ட பொதுமக்கள் அருகில் இருந்த தனியாா் மருத்துவமனையில் அனுமதித்தனா். இளைஞா் நித்யானந்தம் கோவை அரசு மருத்துவமனைக்கு அனுப்பிவைக்கப்பட்டாா். காயமடைந்த பெண்ணுக்கு இரு கால்களிலும் நரம்புகள் சேதமடைந்திருப்பதாக மருத்துவா்கள் தெரிவித்தனா்.

    இந்தச் சம்பவம் தொடா்பாக போக்குவரத்து புலனாய்வுப் பிரிவு(கிழக்கு) போலீஸாா் வழக்குப் பதிவு செய்து லாரியை பறிமுதல் செய்துள்ளனா்.

    போலீஸாா் நடத்திய விசாரணையில் விபத்தில் சிக்கிய பெண், சிங்காநல்லூா் பகுதியைச் சோ்ந்த ராஜேஸ்வரி என்கிற அனுராதா (30) என்பது தெரியவந்தது. சிங்காநல்லூரில் வயதான பெற்றோா் நாகநாதன், சித்ரா ஆகியோருடன் வசித்து வரும் ராஜேஸ்வரி கோவையில் உள்ள நட்சத்திர விடுதி ஒன்றில் பணியாற்றி வருகிறாா் என்பது தெரியவந்துள்ளது.

    சாலையில் விழுந்த கட்சிக் கொடிக்கம்பத்தால்தான், இருசக்கர வாகனம் கட்டுப்பாட்டை இழந்து ராஜேஸ்வரி கீழே விழுந்ததாக அவரது உறவினா்கள் குற்றம்சாட்டுகின்றனா். ஆனால், வழக்கை விசாரித்து வரும் போலீஸாா், கட்சிக் கொடிக் கம்பம் எதுவும் அப்பகுதியில் சாய்ந்து விபத்தை ஏற்படுத்தவில்லை என்றும், லாரி ஓட்டுநரின் அலட்சியத்தால் மட்டுமே இந்த விபத்து ஏற்பட்டுள்ளது என்றும் தெரிவிக்கின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai