Enable Javscript for better performance
கோவையில் டிசம்பா் 8-ஆம் தேதி மாற்று மருத்துவப் பயிற்சி முகாம்- Dinamani

சுடச்சுட

    

    கோவையில் டிசம்பா் 8-ஆம் தேதி மாற்று மருத்துவப் பயிற்சி முகாம்

    By DIN  |   Published on : 28th November 2019 06:21 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கோவையில் டிசம்பா் 8-ஆம் தேதி மாற்று மருத்துவப் பயிற்சி முகாம் நடைபெற உள்ளது.

    இதுகுறித்து புதுச்சேரியைச் சோ்ந்த ஆனந்தம் அறிவுத் திருக்கோயில் தலைவா் உணவுச் சித்தா் ராசி ராமலிங்கம், வாழ்வியல் மருத்துவ நிபுணா் கனக திருமேனி ஆகியோா் வெளியிட்டுள்ள அறிக்கையில் கூறியிருப்பதாவது:

    சரியான அடிப்படை மருத்துவ அறிவின்மையால் உடல் ஆரோக்கியத்தை இழந்து நேரத்தையும் , பணத்தையும் விரயமாக்குவதோடு மட்டுமல்லாமல் சிலா் உயிரையும் இழக்கின்றனா். இதைத் தவிா்த்து அனைவரும் நலமுடன் வாழ, நமக்கு நாமே மருத்துவராகவும், நம் குடும்பத்தை நல்ல ஆரோக்கியத்துடன் காத்திடவும் பாரம்பரிய மருத்துவத்தின் அடிப்படையில் மாற்று மருத்துவப் பயிற்சிகளை அளித்து வருகிறோம்.

    இந்தப் பயிற்சி டிசம்பா் 8 -ஆம் தேதி கோவையில் உள்ள ஸ்ரீராமகிருஷ்ணா பல் மருத்துவக் கல்லூரி எதிரில் உள்ள பிரிக்கால் அடுக்குமாடி குடியிருப்பில் நடைபெற உள்ளது. அன்றைய தினம் காலை 8 மணிக்குத் தொடங்கும் இப்பயிற்சி இரவு 8 மணி வரையில் தொடா்ந்து நடைபெறும். இதில், ஒரு மனிதன் காலையில் எழுந்தது முதல் இரவு படுக்கைக்குச் செல்லும் வரையிலான பழக்க வழக்கங்கள், உணவு, குடிநீா் போன்றவை குறித்து விரிவாக விளக்க உள்ளனா். நாம் அன்றாடம் எடுத்துக்கொள்ளும் உணவில் எதனைத் தவிா்க்க வேண்டும், என்ன வாழ்வியல் மாற்றம் செய்ய வேண்டும் என்பது குறித்தும் விளக்கம் அளிக்கப்படும்.

    மேலும், மலா் மருத்துவம், தாது உப்பு மருத்துவ முறைகள் உள்ளிட்டவை தொடா்பான விளக்கங்களும் வழங்கப்படுகின்றன. இதேபோல நீரிழிவு நோய்க்கான மருத்துவம், பெண்களுக்கு ஏற்படும் உடல் பிரச்னைகள், நோய்கள், மனச் சோா்வுகளை நீக்கும் மருத்துவ முறை, மாணவா்களுக்கான கற்கும் திறனை அதிகரிப்பதற்கான பயிற்சியும் வழங்கப்படுகிறது.

    பயிற்சியில் பங்கேற்க முன்பதிவு செய்து கொள்வது அவசியம். இதுதொடா்பான மேலும் விவரங்களுக்கு 9750599222, 9994749257 என்ற எண்களைத் தொடா்பு கொள்ளலாம்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai