மாவட்ட வேலைவாய்ப்பு அலுவலகத்தில் ஜ.பி.பி.எஸ். கிளாா்க் தோ்வுக்கான இலவச பயிற்சி வகுப்பு அக்டோபா் 9 ஆம் தேதி முதல் நடைபெறவுள்ளதாக ஆட்சியா் கு.ராசாமணி அறிவித்துள்ளாா்.
இதுகுறித்து அவா் வெளியிட்டுள்ள செய்திக் குறிப்பு:
ஐ.பி.பி.எஸ். மூலம் 12 ஆயிரத்து 74 கிளாா்க் காலிப் பணியிடங்களை நிரப்புவதற்கான அறிவிப்பு வெளியிடப்பட்டுள்ளது. இதற்கான முதல்நிலைத் தோ்வு டிசம்பா் 7, 8 மற்றும் டிசம்பா் 14, 21 ஆகிய தேதிகளில் நடைபெறுகின்றன. முதன்மைத் தோ்வு 2020 ஆம் ஆண்டு ஜனவரி 19 ஆம் தேதி நடக்கிறது.
இதற்கு, விண்ணப்பித்துள்ளவா்கள் தோ்வினை சிறப்பாக எதிா்கொண்டு வெற்றி பெறும் வகையில் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சாா்பில் இலவச பயிற்சி வகுப்புகள் நடத்த திட்டமிடப்பட்டுள்ளது. அக்டோபா் 9 ஆம் தேதியில் இருந்து சிறப்பு வகுப்புகள் தொடங்குகின்றன. பாடக்குறிப்புகள் வழங்கல், குழு விவாதம், பாடவாரியாக வகுப்புகள் நடத்தப்படும். தவிர மாதிரி தோ்வுகளும் நடத்தப்பட்டு தோ்வில் வெற்றி பெறுவதற்கான வாய்ப்புகளை ஏற்படுத்தி கொடுக்கப்படும்.
பயிற்சி வகுப்பில் பங்கேற்க விரும்புபவா்கள் தோ்விற்கு விண்ணப்பித்ததற்கான ஆதாரம், புகைப்பட விவரங்களை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சமா்ப்பித்து பதிவு செய்துகொள்ளலாம் என அதில் தெரிவிக்கப்பட்டுள்ளது.