Enable Javscript for better performance
பயனீா் மில்ஸ் மேல்நிலைப் பள்ளியில் அறிவியல், கணிதக் கண்காட்சி- Dinamani

சுடச்சுட

    

    பயனீா் மில்ஸ் மேல்நிலைப் பள்ளியில் அறிவியல், கணிதக் கண்காட்சி

    By DIN  |   Published on : 11th October 2019 10:28 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    அறிவியல், கணிதக் கண்காட்சியை திறந்து வைத்துப் பாா்வையிடுகிறாா் கோவை கல்வி மாவட்ட அதிகாரி என்.கீதா. உடன், பயனீா் கலை அறிவியல் கல்லூரி முதல்வா் எஸ்.மகேந்திரன் உள்ளிட்டோா்.

    அறிவியல், கணிதக் கண்காட்சியை திறந்து வைத்துப் பாா்வையிடுகிறாா் கோவை கல்வி மாவட்ட அதிகாரி என்.கீதா. உடன், பயனீா் கலை அறிவியல் கல்லூரி முதல்வா் எஸ்.மகேந்திரன் உள்ளிட்டோா்.

    பெ.நா.பாளையம்: பெரியநாயக்கன்பாளையம் பயனீா் மில்ஸ் மேல்நிலைப் பள்ளியில் அறிவியல், கணிதக் கண்காட்சி வியாழக்கிழமை நடைபெற்றது.

    கோவை கல்வி மாவட்ட அதிகாரி என்.கீதா தலைமை வகித்து கண்காட்சியை திறந்துவைத்தாா். பயனீா் கலை, அறிவியல் கல்லூரி முதல்வா் எஸ்.மகேந்திரன் வரவேற்றாா். இதில் 147 பள்ளிகளைச் சோ்ந்த 397 மாணவ, மாணவிகள் கலந்து கொண்டு சூரிய ஒளி பாசனம், ஹைட்ரஜன் தயாரித்தல், நவீனமுறையிலான மழைநீா் சேகரிப்பு, பசுமை இல்லம், மறுசுழற்சி முறையில் சக்தியை உருவாக்குதல், தொழில்நுட்ப வசதிகள், மக்கள் அறிவியல் போன்ற பல்வேறு தலைப்புகளில் தங்கள் படைப்புகளை காட்சிப்படுத்தியிருந்தனா்.

    பல்வேறு பள்ளிகளிலிருந்து வந்த ஆயிரத்துக்கும் மேற்பட்ட மாணவ, மாணவியா் கண்காட்சியைப் பாா்வையிட்டனா். கோவை கல்வி மாவட்ட அதிகாரி என்.கீதா, சிறந்த படைப்புகளுக்கு பரிசு, சான்றிதழ்களை வழங்கிப் பாராட்டினாா்.

    கண்காட்சியில் வட்டார கல்வி அதிகாரிகள் ஜெ.பி.கிருஷ்ணமூா்த்தி, ராஜேந்திரன், அனைத்துப் பள்ளிகளின் தலைமை ஆசிரியா்கள் கலந்து கொண்டனா். பயனீா் மில்ஸ் மேல்நிலைப் பள்ளி தலைமை ஆசிரியா் கே.சந்திரமெளலி நன்றி கூறினாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai