மனநலப் பிரச்னைகளால் நாட்டின் பொருளாதாரம் பாதிக்கப்படுவதாக தேசிய மன ஆரோக்கியம், நியூரோ சயின்ஸ் நிறுவனத்தின் மனநல சமூகப் பணித் துறைத் தலைவா் திருமூா்த்தி கூறினாா்.
கோவை ஸ்ரீ கிருஷ்ணா கலை, அறிவியல் கல்லூரியில் வியாழக்கிழமை நடைபெற்ற உலக மன நல நாள் நிகழ்ச்சியில் சிறப்பு அழைப்பாளராகக் கலந்து கொண்ட அவா், கல்லூரி வளாகத்தில் மாணவ-மாணவிகளுக்கான மனநல கலந்தாய்வு மையத்தைத் தொடங்கி வைத்து மேலும் பேசியதாவது:
இந்தியாவில் அண்மைக்காலமாக இளைஞா்களிடையே தற்கொலை எண்ணம் அதிகரித்து வருகிறது. குறிப்பாக கல்லூரி மாணவா்கள், தகவல் தொழில்நுட்பத் துறை பணியாளா்களிடையே தற்கொலை எண்ணம் அதிகமாகி வருகிறது. கல்வி நிறுவனங்கள், தொழில் நிறுவனங்கள் தங்களின் ஊழியா்களுக்காக ஆலோசனை மையத்தைத் தொடங்கி தகுந்த ஆலோசகா்களை நியமித்து பிரச்னை உள்ளவா்களுக்கு ஆலோசனை வழங்க வேண்டும். உலக தற்கொலை விகிதத்தில் இந்தியா 36.6 சதவீதத்தைக் கொண்டுள்ளது.
மேலும் 20 சதவீத தாய்மாா்கள் தாழ்வு மனப்பான்மையுடன் உள்ளனா். அதிக மன உளைச்சலுக்கு ஆளாகுபவா்கள் பெண்களாகவே உள்ளனா். குறிப்பாக இளம் பெண்களிடையே தற்கொலை எண்ணம் அதிகமாக உள்ளது. இது நமது நாட்டின் பொருளாதாரத்தையே பாதிக்கிறது. எனவே இதைத் தடுக்க முயற்சி மேற்கொள்ள வேண்டும். கல்லூரிகளில் மகிழ்ச்சியான வாழ்கையைப் பற்றி விளக்குவதுடன், தன்னம்பிக்கையின் முக்கியத்துவத்தையும் கற்றுக் கொடுக்க வேண்டும். அதேபோல் எதையும் எளிதாக எடுத்துக் கொள்ளும் பக்குவத்தைக் கற்பிக்க வேண்டும் என்றாா்.
இந்நிகழ்ச்சியில் கல்லூரியின் முதல்வா் பி.பேபி ஷகிலா, உளவியல் துறைத் தலைவா் கலைவாணி, பேராசிரியா் முபீன் பானு, சமூகப் பணித்துறை பேராசிரியா் சங்கீதா ஆண்டனி, கிருஷ்ணதாஸ், உளவியல், சமூகப் பணித் துறை மாணவ-மாணவிகள் கலந்து கொண்டனா்.