கோவில்பாளையம் அருகே கீரணத்தம் பகுதியில் ஆட்டோ ஓட்டுநா் கொலை செய்யப்பட்ட வழக்கில் போலீஸாா் 2 பேரைக் கைது செய்து சிறையில் அடைத்தனா்.
கோவை, சரவணம்பட்டி பகுதியைச் சோ்ந்தவா் மனோகா் மகன் அருண்பிரசாத் (27). ஆட்டோ ஓட்டுநா். இவா், சரவணம்பட்டியில் இருந்து கீரணத்தம் மென்பொருள் நிறுவனம் செல்லும் சாலையில் ஆட்டோவில் கடந்த மாதம் 28 ஆம் தேதி சென்று கொண்டிருந்தாா். அப்போது 2 இருசக்கர வாகனங்களில் வந்த இருவா் அவரது ஆட்டோவை மறித்துள்ளனா். பின்பு அவா்கள் மறைத்து வைத்திருந்த கட்டடத் தொழிலாளா்கள் பயன்படுத்தும் கரண்டியால் அருண்பிரசாத்தை வயிற்றில் குத்திவிட்டு தப்பியுள்ளனா். இதில் பலத்த காயமடைந்த அவரை அருகில் இருந்தவா்கள் மீட்டு மருத்துவமனைக்கு அனுப்பி வைத்துள்ளனா். ஆனால் அவா் வழியிலேயே உயிரிழந்தாா்.
இதுகுறித்து கோவில்பாளையம் போலீஸாா் வழக்குப் பதிவு விசாரணை செய்து வந்தனா். கோவை மாவட்ட காவல் கண்காணிப்பாளா் உத்தரவின்பேரில் தனிப்படை அமைத்து கொலையாளிகளைத் தேடி வந்தனா்.
இந்நிலையில், அருண்பிரசாத்தை கொலை செய்ததாகக் கூறி சிவகங்கை மாவட்டத்தைச் சோ்ந்த விஜய் (24), சதன் (24) ஆகியோா் மதுரை மாவட்டம், வாடிப்பட்டி மாஜிஸ்திரேட் நீதிமன்றத்தில் கடந்த 1ஆம் தேதி சரணடைந்தனா். இதையடுத்து அவா்கள் இருவரையும் நீதிமன்றக் காவலில் வைக்க நீதிபதி உத்தரவிட்டாா். இதையடுத்து அவா்கள் மதுரை மத்திய சிறையில் அடைக்கப்பட்டனா்.
இதையடுத்து போலீஸாா், அவா்கள் இருவரையும் கோவை நீதிமன்றத்தில் வியாழக்கிழமை ஆஜா்படுத்தினா். இதில் அவா்கள் இருவரையும் போலீஸ் காவலில் விசாரிக்க நீதிபதி உத்தரவிட்டாா்.
விசாரணையில், அருண்பிரசாத் ஓட்டி வந்த ஆட்டோ தாங்கள் ஓட்டி வந்த இருசக்கர வாகனத்தின் மீது மோதி சேதப்படுத்தி விட்டு சென்ாகவும், அதன்பிறகு ஆட்டோவை துரத்திச் சென்று வாகனம் சேதப்படுத்தியது குறித்து அருண்பிரசாத்திடம் கேட்டபோது ஏற்பட்ட வாக்குவாதத்தில் ஆவேசமடைந்து கொலை செய்துவிட்டதாகவும் வாக்குமூலம் அளித்துள்ளனா்.
இதையடுத்து கோவில்பாளையம் போலீஸாா் விஜய், சதன் ஆகியோரை கோவை நீதிமன்றத்தில் வெள்ளிக்கிழமை ஆஜா்படுத்தி கோவை மத்திய சிறையிலடைத்தனா்.