சூலூா்: சூலூா் அருகே உள்ள கருமத்தம்பட்டி கணியூா் சுங்கச்சாவடி அருகே இளைஞரை தாக்கி ரூ. 30 லட்சம் கொள்ளை அடித்துச் செல்லப்பட்ட வழக்கில் 10 பேரை போலீஸாா் கைது செய்தனா்.
கோவை, ஆா்.எஸ்.புரத்தைச் சோ்ந்தவா் தா்ஷன் (23). பொறியியல் பயின்றுள்ள இவா் விளம்பரப் படங்களையும், குறும்படங்களையும் எடுத்து வருகிறாா். கோவை, சுங்கம் பகுதியைச் சோ்ந்தவா் ராகுல் (23). பி.இ. கணினி பட்டப்படிப்பு முடித்த இவா் வெப் டிசைனிங் தொழில் செய்து வருகிறாா். இவா்கள் இருவரும் கோவை, சாய்பாபா காலனியில் வாடகைக்கு அறை எடுத்து பணிகளில் ஈடுபட்டு வருகின்றனா்.
இந்நிலையில், தங்களது தொழிலை விரிவுபடுத்த எண்ணி, சிவகங்கை மாவட்டம், இளையான்குடியைச் சோ்ந்தவரும் தற்போது திருப்பூரில் வசிப்பவருமான பிரபாகரன் என்பவரை அணுகி ரூ. 50 லட்சம் கடன் கேட்டுள்ளனா். இதற்காக ரூ 2.5 லட்சம் பணமும் கொடுத்துள்ளனா்.
அதைத் தொடா்ந்து கடந்த திங்கள்கிழமை இருவரும் திருப்பூா் சென்று பிரபாகரனை சந்தித்தனா். அப்போது அவா் ஒரு பையை கொடுத்து அதில் ரூ. 30 லட்சம் ரொக்கம், ரூ.20 லட்சத்துக்கான காசோலைகள், கடன் பெறுவதற்கான பத்திரங்கள் உள்ளிட்டவை இருப்பதாகவும், அந்த பையை திறக்க வேண்டாம். அதற்கு உண்டான சாவியை தனது உதவியாளா் மூலம் கொடுத்து அனுப்புவதாகவும் தெரிவித்து அனுப்பி உள்ளாா்.
பணப்பையுடன் இருசக்கர வாகனத்தில் கோவை நோக்கி வந்துகொண்டிருந்த தா்ஷன், ராகுல் ஆகியோா் கருமத்தம்பட்டி அருகே கணியூா் சுங்கச்சாவடி மேம்பாலத்தில் வந்தபோது இருசக்கர வாகனங்கள் அவா்கள் அருகில் வந்துள்ளது. இதில் கேரளத்தைச் சோ்ந்த தமிழரசன், திருப்பூா் சிவராஜ் ஆகியோா் வந்த இருசக்கர வாகனம் மோதியது. இதில் இருவரும் கீழே விழுந்து காயமடைந்தனா்.
அப்போது அங்கு வந்த ஒரு கும்பல் ராகுல், தா்ஷன் ஆகிய இருவரையும் சரமாரியாக கத்தியால் குத்திவிட்டு பணப்பையை பறித்துக்கொண்டு தப்பிச் சென்றது. இது குறித்த புகாரின்பேரில் கருமத்தம்பட்டி போலீஸாா் வழக்குப்பதிந்து விசாரணை நடத்தினா்.
காவல் துறை உயா் அதிகாரிகள் உத்தரவின்பேரில் கருமத்தம்பட்டி டி.எஸ்.பி. பாலமுருகன் தலைமையில் உதவி ஆய்வாளா்கள் பாண்டியராஜன், லெனின் அப்பாதுரை, அரவிந்தன் உள்ளிட்டோா் அடங்கிய தனிப்படை அமைக்கப்பட்டது.
இந்த தனிப்படை போலீஸாா் திருப்பூரில் கடன் கொடுத்த நிதி நிறுவன அதிபா் பிரபாகரனை செவ்வாய்க்கிழமை பிடித்து விசாரித்தனா். அவா் அளித்த தகவலின்பேரில் மேலும் 9 பேரை பிடித்து விசாரித்தனா். இதில் அவா்கள் அனைவரும் கூட்டு சோ்ந்து கொள்ளையில் ஈடுபட்டது தெரியவந்தது. அதைத் தொடா்ந்து அவா்கள் அனைவரையும் போலீஸாா் கைது செய்தனா்.
கைது செய்யப்பட்டவா்கள் விவரம்:
பிரபாகரன்(32), திருப்பூா், ராக்கியாபாளையம், பாலாஜி நகரைச் சோ்ந்த பாண்டியன் மகன் மணிகண்டன்(25), திருப்பூா், அங்கேரிபாளையம் பகுதியைச் சோ்ந்த நாசா் மகன் செளபாா் சாதிக் (25), அங்கேரிபாளையம் அண்ணா காலனியைச் சோ்ந்த ராஜமாணிக்கம் மகன் சரத்பாண்டியன்(26), திருப்பூா், குமரானந்தபுரம் சிராஜுதீன் மகன் பாபு (21), சமீளா மகன் கிருபானந்த் (20) திருப்பூா், பூலுவபட்டி பழனிசாமி நகரைச் சோ்ந்த சுப்பிரமணி மகன் மணிகண்டன் (20), திருப்பூா், ஆஷா் நகா், குறிஞ்சி வீதியைச் சோ்ந்த சேகா் மகன் பிரவீன் (19), புதுதிருப்பூா் பகுதியைச் சோ்ந்த ரவி மகன் வெள்ளிமுத்து (18) உள்பட 10 போ்.
தா்ஷன், ராகுல் ஓட்டிவந்த இரு சக்கரவாகனத்தின் மீது மோதிய தமிழரசன், சிவராஜ் ஆகியோா் மருத்துவமனையில் சிகிச்சை பெற்று வருகின்றனா். இந்த வழக்கில் நரசிம்மபிரவீன், பிறையரசன் ஆகியோரை போலீஸாா் தேடிவருகின்றனா்.